Ճանաչված բրիտանացի դիզայներ, Spice Girls խմբի նախկին անդամ Վիկտորյա Բեքհեմը մեղադրվում է ռասիզմի համար, քանի որ իր ցուցադրությունների ընթացքում չի հրավիրել սևամորթ մոդելների, գրում է Daily Mail-ը։
Մեղադրանքները հնչեցվել են աշխարհահռչակ սուպերմոդելներ Նաոմի Քեմփբելի ու Իմանի կողմից, ովքեր բացի Բեքհեմից ևս մի քանի անուն են նշել, որոնց թվում են Calvin Klein-ը, Donna Karan-ը, Chanel-ը, Armani-ն, Gucci-ն, Saint Laurent-ը, Roberto Cavalli-ն ու Marc by Marc Jacobs-ը։
Այժմ Քեմփբելն ու Իմանը միավորել են իրենց ուժերը և մոդելային աշխարհում ունեցած հեղինակությունը՝ այդ ոլորտում ռասիստական դրսևորումների մասին բարձրաձայնելու համար։
Նյու Յորքի, Լոնդոնի, Փարիզի ու Միլանի նորաձևության ոլորտի ղեկավար մարմիններին ուղղված բաց նամակում զույգը մեղադրել է առաջատար նորաձևության տներին ամեն սեզոն իրենց ցուցադրություններում ընդամենը 1 կամ 2 սևամորթ մոդել ընդգրկելու համար, ինչը, ըստ նրանց, ռասիստական մտածելակերպի վառ արտահայտում է։