Բաղադրիչներ
- անանուխ - 5 ճյուղ
- շաքարավազ - 4-5ճ/գդ
- կիտրոն - 1 հատ
- ջուր - 1լ
Պատրաստման եղանակ
- Առանձնացնել անանուխի տերևները և կտրատել:
- Կիտրոնը մեջտեղից կիսել, քամել հյութը (այստեղ ստացվել է մոտ 5ճ/գդ հյութ):
- Կաթսայի մեջ տեղադրել անանուխը, քամված կիտրոնի կեղևը, վրան լցնել 1լ ջուրը: Տեղափոխել կրակի վրա և եռացնել 2-3րոպե: Անջատել կրակը և լցնել շաքարավազը:
- Թողնել հովանա սենյակային ջերմաստիճանում, անցկացնել մաղով, լցնել կիտրոնից քամված հյութը և տեղափոխել սառնարան վերջնական սառչելու:
- Պատրաստի լիմոնադը մատուցել անանուխի տերևներով և սառույցի խորանարդիկներով:
Պատրաստի անանուխով լիմոնադը կարելի է պահել սառնարանում, որպես սառը և թարմեցնող ըմպելիք: Այն կարող է իսկական փրկություն դառնալ ամռան տապին: