Bravo.am-ը գրում է.
Երեւանը կրկին ծիրանաբույր է. Սուրբ Գրիգոր Լուսավորիչ մայր տաճարում տեղի ունեցած ծիրանօրհնեքի արարողությամբ երեկ` հուլիսի 13-ին, մեկնարկել է “Ոսկե ծիրան” միջազգային կինոփառատոնը` 11-րդ անգամ մեր մայրաքաղաքում հյուրընկալելով կինոարվեստի անվանի ներկայացուցիչների:
“Երջանիկ եմ. ծիրանի օրհնությունը կարեւոր ավանդույթ է դարձել: Սրանք պարզապես ծիրաններ չեն, այլ սեր է, որ հայ ժողովուրդը բաժանում է հյուրերին: Պետք է այնպես անել, որ վերջիններս մեր դեսպանները դառնան աշխարհում: Մեծ սեր եմ ցանկանում բոլորին արվեստի, կինոյի եւ “Ոսկե ծիրան”-ի հանդեպ”,-նշել է փառատոնի գլխավոր տնօրեն Հարություն Խաչատրյանը:
Ծիրանի համտեսից հետո հյուրերը շտապել են “Մոսկվա” կինոթատրոնի ճեմասրահ` մասնակցելու Սերգեյ Փարաջանովին նվիրված լուսանկարների ցուցահանդեսին, որի ընթացքում Յուրի Գարմաշը ներկայացրել է իր հեղինակած բոլոր աշխատանքների նախապատմությունը` շեշտելով, թե մեծն ռեժիսորի տաղանդի եւ հանճարեղության մեծ չափաբաժինը, ցավոք, մնացել է կադրի ետեւում.“Փարաջանովն իմ կուռքն է եւ հենց նրա շնորհիվ եմ կայացել կյանքում”,-ասել է ուկրաինացի լուսանկարիչը:
Շարունակությունը` այստեղ:
