Արքայազն Հարին և նրա կինը՝ Մեգան Մարքլը կդադարեն օգտագործել SussexRoyal ապրանքանիշը՝ դրա անվան մեջ «թագավորական» բառի պատճառով։ Այս մասին հայտնում է BBC-ն՝ հղում անելով զույգի ներկայացուցչին:

Նրանց ներկայացուցիչը նշել է, որ Մեծ Բրիտանիայի օրենքները, որոնք կարգավորում են «արքայական» տերմինի օգտագործումը, թույլ չեն տալիս զույգին շարունակել օգտագործել այդ անունը՝ արքայական պարտականությունների կատարումից հրաժարվելուց հետո: Նա հավելել է, որ ապրանքանիշի գրանցման համար նախկինում ներկայացված հայտը հետ է կանչվել:

Սասեքսի դուքսն ու դքսուհին կդադարեցնեն ապրանքանիշի օգտագործումը աշխարհի բոլոր շրջաններում՝ սկսած 2020թ․ գարնանից։