Միացյալ Նահանգների Ատլանտա քաղաքի Էմորիի համալսարանի հիվանդանոցի բժիշկները որոշել են արհեստական կոմայից դուրս բերել երգչուհի Ուիթնի Հյուսթոնի միակ դստերը՝ Բոբի Քրիստինա Բրաունին: Այս մասին, ինչպես տեղեկացնում Է «Արմենպրես»-ը, հաղորդել Է հոլիվուդյան People շաբաթահանդեսը:
ՏԱՍՍ-ը հիշեցնում Է, որ երիտասարդ կնոջը հունվարի 31-ին անգիտակից վիճակում հայտնաբերել Էին Ատլանտայի արվարձանում իր տան լոգարանում: Հիվանդանոցում բժիշկները, փորձելով պահպանել նրա կյանքը, նրան մտցրել Էին արհեստական կոմայի մեջ: Այժմ, երեք շաբաթ անցնելուց հետո, որոշում Է կայացվել նրան լիովին դուրս բերել կոմայից:
«Միեւնույն ժամանակ Բոբի Բրաունը միացված կմնա արհեստական շնչառության ապարատին»,- ընդգծել Է հրատարակությունը:
Անցած շաբաթ Բոբի Բրաունին հսկող բժիշկներն սկսել են նվազեցնել նրա արյան մեջ ներարկվող դեղորայքի քանակը: Նրանց այժմյան որոշումը կարող Է դիտվել որպես իրադարձությունների դրական զարգացում: «Նրանք ասում են, որ երիտասարդ կնոջ ուղեղն, ըստ երեւույթին, հակազդում Է արտաքին գրգռիչներին»,- նշել Է Լոս Անջելեսի ռադիոն:
