Այս չափազանց գայթակղիչ ռուլետը պատրաստելն ամենևին դժվար չէ և շատ էլ ժամանակ չի խլում: Այն կրկնակի հաճելի կդարձնի Ձեր սուրճի կամ թեյի ժամը...
Պատրաստման համար անհրաժեշտ մթերքներն են.
Խմորի համար՝
3 հատ ձու,
3 ճաշի գդալ ալյուր,
1 հատ բանան,
50 գ ընկույզ,
0,5 թեյի գդալ խմորիչ,
2 ճաշի գդալ շաքարավազ,
1 ճաշի գդալ վանիլին:
Միջուկի համար՝
400 գ կաթնաշոռ,
1 հատ ձու,
100 գ շաքար,
3 ճաշի գդալ կաթ:
Զարդարելու համար՝
շոկոլադ,
ընկույզ,
շաքարավազ:
Պատրաստման եղանակը.
Տրորում ենք կաթնաշոռը, խառնում ձվի, շաքարի ու կաթի հետ: Կաթնաշոռե մասը լցնում ենք 35/25 ֆորմայի մեջ, տարածում, առայժմ թողնում մի կողմում:
Ջեռոցը տաքացնել մինչև 180 աստիճան:
Առանձնացնել սպիտակուցները դեղնուցներից:
Դեղնուցները հարել մի քանի րոպե, ավելացնել շաքարն ու վանիլինը, հարել ևս մի քանի րոպե:
Բանանն անցկացնել բլենդերով: Մանրացնել ընկույզն ու խառնել բանանին:
Ընկույզով եւ բանանով խառնուրդը միացնել դեղնուցներին ու հարել մինչև միասեռ զանգված ստանալը:
Ավելացնել ալյուրն ու խմորիչը, խառնել: Սպիտակուցներին մի քիչ աղ ավելացնել ու լցնել գրեթե պատրաստ խմորի մեջ, մի փոքր խառնել:
Ստացված խմորը տարածել կաթնաշոռե զանգվածի վրա հավասարաչափ: Դնել ջեռոցում 20 րոպեով:
Ջեռոցից հանելուց հետո փաթաթել ստացվածը կաթնաշոռե հատվածով դեպի ներս:
Կարելի է զարդարել հալեցրած շոկոլադով կամ մանրացրած ընկույզներով:
Բարի ախորժակ:
