![](http://mediamall.am/timthumb.php?src=upload/253546.png&w=300&h=200&mt=1679406953)
Երգչուհի և հեռուստահաղորդավարուհի Օլգա Բուզովան ներկա է գտնվել «Жара» հեռուստաալիքի և The Voice ամսագրի գալա ընթրիքին։ Աստղն իր սոցցանցերի բաժանորդների հետ կիսվել է միջոցառումից լուսանկարներով։
37-ամյա Օլգա Բուզովան երկրպագուներին զարմացրել է նոր կերպարով՝ աստղը միջոցառմանը ներկայացել է սև մազերով և կարճ բոբ սանրվածքով։ Հեռուստահաղորդավարուհին լուսանկարիչների համար կեցվածք է ընդունել մուգ կապույտ մաքսի զգեստով, համապատասխան գլխակապով և Louis Vuitton-ի մանրանկար պայուսակով: Սակայն մի քանի ժամ անց աստղն իր անձնական բլոգում թարմ նկարներ է հրապարակել նախկին սանրվածքով, ուստի, ամենայն հավանականությամբ, Բուզովան միջոցառմանը կեղծամով է եղել:
Օրերս հեռուստահաղորդավարուհին բաժանորդներին դժգոհել էր վատ ինքնազգացողությունից։ Նա խոստովանել էր, որ անընդհատ հոգնածություն է զգում և կասկածներ ունի, որ այդ ամենը քնի քրոնիկ պակասի հետևանք է։ Նա հավելել է, որ նաև գլխապտույտ և ախորժակի կորուստ ունի։
«Ես ընդհանրապես չեմ ուզում ուտել, ուստի ուժ չունեմ: Բայց ամենազավեշտալին այն է, որ եթե նույնիսկ հիմա գնամ տուն, չեմ քնի»,- ասել է Բուզովան։
Հաղորդավարուհին պարզաբանել է, որ չի ցանկանում քնաբեր ընդունել, իսկ երկրպագուներին հարցրել է՝ ինչպես հաղթահարել հիվանդությունը։
![](https://lurer.com/disc/21-03-23/11f321f9e87f8a39f2fdf6cef1eb08f4.jpg)
![](https://lurer.com/disc/21-03-23/20d06ca51d048aa9ba2c6fbc09512554.jpg)
![](https://lurer.com/disc/21-03-23/71e834dd229f4eb57077222cc550c947.jpg)
![](https://lurer.com/disc/21-03-23/460ecbd4c4806673c71f21be0d729bf9.jpg)
![](https://lurer.com/disc/21-03-23/306920f63b43703bcda370dbaa325964.jpg)