Ամերիկացի ռեփեր Քանյե Ուեսթը (նույն ինքը Յեն) մտադիր է իր տները եկեղեցիների վերածել։ Նա քննադատել է կապիտալիզմը և հայտարարել, որ մեկ տարուց անօթևան է դառնալու, գրում է Complex-ը։

«Մենք կապիտալիզմի իշխանության տակ ենք, և դա մեզ սպանում է։ Ժամանակն է դա փոխելու: Մեկ տարի հետո ես անտուն կմնամ: Ես պատրաստվում եմ իմ բոլոր տները վերածել եկեղեցիների»,- ասել է Ուեսթը:

Արտիստը հավելել է, որ եկեղեցիները կդառնան անօթևանների ապաստարաններ, որտեղ միշտ սնունդ կլինի։ Ուեսթի խոսքով՝ ցանկացած մարդ կարող է այնտեղ գնալ օգնության համար։ Ռեփերը նաեւ խոստովանել է, որ երբեմն ընկճվում է երկրպագուների չափից դուրս շատ սիրուց։ Քանյեն պարտական է իր ունկնդիրներին, բայց միևնույն ժամանակ նաև ցանկանում է իր համար տարածք թողնել։