Եթե սեռական կյանքը ձեզ չի բերում այնքան հաճելի էմոցիաներ և զգացողություններ, որքան կցանկանայիք, ուրեմն մտածելու պատճառ կա՝ արդյոք անում եք ինչ-որ բան, որը վատթարացնում է ձեր ինտիմ հարաբերությունների որակը: Սեքս-փորձագետ Ռուբի Փեյնը թվարկել է անկողնում ամենատարածված «վատ սովորություններից» մի քանիսը, որոնք փչացնում են ամեն ինչ: Ստուգեք, միգուցե մեկ կամ մի քանի կետ ձեր կամ ձեր գործընկերոջ մասին է, գրում է marieclaire.ru-ն:
Օրգազմը ձեր միակ նպատակն է
«Օրգազմը պետք է դիտարկել որպես հաճելի կողմնակի ազդեցություն, այլ ոչ թե որպես առաջնային նպատակ»,- ասում է Ռուբին և առաջարկում կենտրոնանալ բուն գործընթացի վրա և վայելել այն՝ ընդհանրապես չմտածելով գագաթնակետի մասին: «Սեքսը ճանապարհորդություն է, և օրգազմի վրա չափից ավելի կենտրոնանալը հսկայական ճնշում է գործադրում զուգընկերների վրա: Դա սպանում է ողջ տրամադրությունը»,- շեշտում է փորձագետը The Sun-ի իր հոդվածում:
Դուք վռազում եք
Եթե անգամ շատ քիչ ժամանակ ունեք, ավելի լավ է մոռանալ դրա մասին սեքսով զբաղվելու ընթացքում։ Շտապողականությունն ու անհանգստությունը խորը հաճույք ստանալու հնարավորություն չեն թողնում։ Եթե դժվարանում եք կենտրոնանալ ներկա պահի վրա, ապա ավելի լավ է ընդհանրապես սեքսով չզբաղվել սահմանափակ ժամանակում և հետաձգել հաճույքը մինչև այն պահը, երբ կկարողանաք լիովին հանգիստ լինել։
Դուք փորձարկումներ չեք անում
Նույնիսկ եթե դուք և ձեր զուգընկերը արդեն վաղուց եք գտել դիրքեր և պրակտիկաներ, որոնք երաշխավորված են գոհացնելու երկու կողմերին էլ, վաղ թե ուշ ամեն ինչ ձանձրալի կդառնա: Իսկ փորձարկումներ ը (նույնիսկ երբեմն անհաջող) կարող են բազմազան դարձնել ինտիմ կյանքը և շատ նոր զգացողություններ հաղորդել: «Սեքսի դիրքերի և տեխնիկայի մի ամբողջ աշխարհ կա», - ասում է Ռուբի Փեյնը,- «Ուրեմն ժամանակն է փոխել ամեն ինչ»։
Իհարկե, յուրաքանչյուր նորամուծություն պետք է նախապես քննարկել զուգընկերոջ հետ և հարցնել նրա կարծիքը։ «Եթե ցանկանում եք ինչ-որ նոր բան փորձել, անպայման պարզեք, թե արդյոք դա դուր կգա ձեր զուգընկերոջը», - խորհուրդ է տալիս փորձագետը:
Սեքսից առաջ չափից շատ եք խմում
Այո, մի երկու բաժակ գինին կարող է հանգստացնել, բայց եթե չափն անցնեք, ռիսկի եք դիմում մնալ առանց հաճույքի: Հարբած լինելը նվազեցնում է զգայունությունը և մեծապես նվազեցնում է օրգազմ ունենալու հավանականությունը:
Բացի այդ, մեծանում է վնասվածք ստանալու վտանգը. եթե որոշակի դիրքը կամ պրակտիկան ձեզ տհաճություն պատճառի, ամենայն հավանականությամբ, չափից շատ ալկոհոլ օգտագործելուց հետո դուք պարզապես չեք զգա դա:
Դուք չափազանց լուրջ եք վերաբերվում սեքսին
Մի վախեցեք անկողնում մի փոքր զվարճանալ և ծիծաղել ինքներդ ձեզ վրա: Սա միայն ավելի ազատ կդարձնի ձեզ և ձեր զուգընկերոջը: «Շատ մարդիկ ցանկանում են, որ իրենց սեքսը լինի այնպիսին, ինչպիսին նրանք տեսնում են ֆիլմերում: Բայց իրականում մարդիկ թռչում են, ինչ-որ մեկը կարող է ոտքի ջղաձգություն ունենալ, և ինչ-որ մեկը կարող է անկողնուց վեր ընկնել: Այնպես որ, մի վախեցեք կատակել», - խորհուրդ է տալիս Ռուբին:
Դուք սեքսով եք զբաղվում, երբ սոված եք կամ չափից շատ եք կերել
Այս երկու վիճակներն էլ մեզ դարձնում են անտարբեր և ակտիվ ֆիզիկական ակտիվության անկարող, ինչը, բնականաբար, պահանջվում է լավ սեքսի ժամանակ։ Մասնագետների կարծիքով՝ սեքսից մոտ մեկուկես ժամ առաջ ավելի լավ է ուտել թեթև, բայց սննդարար մի բան։
