Քայլի Ջենները դադարել է Instagram-ում հետեւել Ջորդին Վուդսի էջին։ Աղջիկներն ընկերական հարաբերություններ են ունեցել դպրոցական տարիներից, սակայն դադարել են շփվել, երբ Վուդսը համբուրվել է Քլոե Քարդաշյանի փեսացուի հետ։
Ընդ որում, մինչ Քայլիի ամբողջ աստղային ընտանիքը դադարում էր Instagram-ում հետեւել Ջորդին Վուդսի էջին, մոդելը փորձում էր չսրել իրավիճակը։ Սակայն օրերս նա եւս հասկացրել է, որ վերջնականապես «ջնջում է» Վուդսին իր կյանքից։ Նա կրճատել է օնլայն-ընկերների ցանկը՝ դրանից ջնջելով «բաժանողին»։ Իսկ Վուդսը նախկինի նման շարունակում է հետեւել Քարդաշյան-Ջեններ ընտանիքի կրտսեր ժառանգորդի էջին։
Քայլին իր որոշումը բացատրել է Տրիստան Թոմփսոնի հետ կապված սկանդալից հետո Վուդսի տարօրինակ պահվածքով։ «Ես զանգահարել եմ նրան եւ ոչ մի հստակ պատասխան չեմ լսել։ Նա պարզապես լաց էր լինում, իսկ ես ստիպված էի մխիթարել նրան։ Նա չէր մտածում Քլոեի մասին, չէր մտածում փոքրիկ Թրուի մասին, երբ համբուրվում էր Տրիստանի հետ։ Բայց ամենից շատ վշտացնում է այն, որ նա իրեն զոհի տեղ է դրել։ Եվ ոչ մի անգամ չի ասել «ներիր»»,- պատմել է աստղը։ Մոդելը երկար ժամանակ փորձել է չեզոքություն պահպանել այս բարդ իրավիճակում։ Քայլին նույնիսկ կոչ է արել իր քույրերին չիջնել Ջորդինին հալածելու մակարդակի։
Վերջերս Ջենները խոստվանել է, որ իր կյանքն իդեալական չէ եւ հաջողության հասնելու ճանապարհին ստիպված է եղել մի քանի մտերիմ ընկերոջ կորցնել։ Այժմ աշխարհի ամենաերիտասարդ միլիարդատերը կենտրոնացած է իր ապրանքանիշի զարգացման եւ Թրեւիս Սքոթի հետ ընտանիքն ավելի ամուր դարձնելու վրա։
style.news.am
