2017 թվականը բեկումնային էր Լիլի Սարգսյանի կյանքում, ով, հաղթելով «Միսս Արմենիա» գեղեցկության մրցույթում, մեկ օրում դարձավ հայտնի։ Նա BRAVO.am-ի հետ զրույցում պատմել է, որ տիտղոսն իրեն նոր կյանք է տվել, նոր ծանոթություններ եւ կամքի ուժ։

Նոր տարին Լիլին կնշի ընտանիքի հետ, սակայն անկեղծանում է, որ այն իր ամենաչսիրած տոնն է.«Միշտ տանն եմ դիմավորել։ Երեք քույր ենք, մայրիկիս հիմնականում մեծ քույրս է օգնում, տունն էլ փոքր քույրս է զարդարում, իսկ ես կենցաղային գործերից հեռու եմ մնում։ Ինձ դուր չի գալիս հայկական Ամանոր ասվածը՝ սկսած ճոխ սեղաններից մինչեւ զարդարանքներ, տարօրինակ կթվա, բայց չեմ սիրում։ Առողջ ապրելակերպի կողմնակից եմ, ամեն ճաշատեսակ չէ, որ ուտում եմ, մսեղեն փոքր տարիքից չեմ սիրում։ Դա եւս մեկ պատճառ է, որ չսիրեմ ամանորյա սեղանները։ Ձմեռ պապին էլ մանկուց չեմ հավատացել. գիտեի, որ հայրս է»։

Ի դեպ, Ձմեռ պապից նա արդեն նվեր ստացել է՝ ավտոմեքենա.«Հայրս օրեր առաջ հաճելի անակնկալ արեց: Շատ ուրախացա, երբ բակում տեսա։ «Միսս Արմենիա» մրցույթում հաղթելուցս հետո խոստացել էր, որ ավտոմեքենա կգնի, հետաքրքրվում էր, թե ինչ մակնիշներ եմ նախընտրում։ Վարել չգիտեմ, 18 տարեկան դառնալուց հետո կունենամ վարորդական իրավունք, իսկ մինչ այդ կհաճախեմ դասերի»։

Նյութն ամբողջությամբ՝ սկզբնաղբյուր կայքում։