Դավթի երաժշտական պրոդյուսեր Գրիգոր Կյոկչյանը ESem.am-ին հայտնեց, որ պատանի երգիչն արդեն հաղթահարել է առողջական խնդիրներն ու իրեն լավ է զգում: «Դավիթը շատ լավ երգեց. դա բոլորն էին փաստում»,- ասաց Գրիգորն ու հավելեց, որ այս մրցույթում երգչից կախված է միայն լավ երգելը, ինչն էլ արել է մեր ներկայացուցիչը:  

Մրցութային առաջին օրը Դավիթը ներկայացել է Սոնա Շահգելդյանի «Կորուստ, թե գանձ» ստեղծագործությամբ: Նշենք, որ մրցույթի ստեղծագործական կազմը 2 օր առաջ էր որոշել, որ Դավիթը պետք է ներկայանա այս երգով:

Ըստ վիճակահանության՝ մեր ներկայացուցիչը մրցութային երկրորդ օրը ելույթ է ունենալու առաջին համարի ներքո: Գրիգորը հույս հայտնեց, որ դա չի խանգարի նրան: «Սովորաբար Դավիթը չի հուզվում, բայց այս համերգին, երբ մեծ էկրանով հետևում էի նրա ելույթին, աչքերում հուզմունք նկատեցի:

Կարծում եմ՝ դա բնական է. և վաղը նա ավելի ազատ կլինի բեմում»,- ասաց Գրիգորը և ավելացրեց, որ այս անգամ պատանի երգիչը կներկայացնի Բրունո Մարսի “Locked out of heaven” ստեղծագործությունը:

ESem.am-ը հաջողություն է մաղթում Դավթին:)