“Ռոմանտիկները”. այսպես է կոչվում երիտասարդ ռեժիսորներ Արեգ Ազատյանի եւ Շողիկ Թադեւոսյանի առաջին համատեղ աշխատանքը, որի համաշխարհային պրեմիերան տեղի է ունեցել հունվարին` Գոթենբորգի միջազգային կինոփառատոնի շրջանակում, իսկ հայաստանյան հանդիսատեսի համար առաջին ցուցադրությունը նախատեսվում է գարնանը:
"Ռոմանտիկները" ֆիլմի ռեժիսորները եւ դերասանները
Գեղարվեստական ֆիլմի հիմքում, ինչպես BRAVO.am-ին հայտնել են հեղինակները, իրական փաստեր են. պատմությունը երիտասարդ դերասանի մասին է, ով պատրաստվում է մեկնել Միացյալ Նահանգներ եւ իր մտերիմ ընկերների հետ հրաժեշտի խնջույք է կազմակերպում, սակայն չնախատեսված եւ անհեթեթ դեպքերի շղթան բերում է ողբերգության.“Ներկայացնում ենք, թե ինչպես խելամիտ մարդը կարող է կորցնել իրեն եւ ինչ խենթությունների է ունակ”:
