Ամառը բոլորիս սիրելի ու սպասված տարվա եղանակներից մեկն է. արև, արձակուրդներ, հանգիստ… Ամռան ընթացքում գեղեցիկ ու նորաձև տեսք ունենալու համար պետք է հրաժեշտ տալ սև, մոխրագույն երանգներին, ընտրել պայծառ, վառ երանգներով հագուստ: Ձեզ ենք ներկայացնում այս ամառվա նորաձև գույները'
Կանաչ
Այս ամառ նորաձև գույներից մեկը կանաչն է. ընդ որում խիստ նորաձև է համարվում ոչ թե բաց երանգը, այլ մուգ կանաչը:
Սպիտակ
Սև ու սպիտակ գրաֆիկական պատկերներով կամ գծավոր հագուստները շատ նորաձև են այս ամառ: Բայց եթե ուզում եք առավել մեծ տպավորություն թողնել, կարող եք ընտրել ամբողջությամբ սպիտակ հագուստ, որը շատ նուրբ է ու կանացի: Սպիտակն ու կաթնագույնը ևս նորաձև են այս ամառ:
Դեղին ու նարնջագույն
Ամառ 2013-ի նորաձև գույներից են դեղինն ու նարնջագույնը: Ընդ որում, պետք է ընտրել ոչ թե մանանեխի (горчичный) խամրած երանգի, այլ վառ դեղին կամ նարնջագույն հագուստ:
Վարդագույն
Վարդագույնը ևս այս ամռանը շատ նորաձև է: Առօրյա հանդերձանքում կարելի է վարդագույնի մի դետալ կրել:
Կարմիր
Մուգ, վառ կարմիրը հանդիսավոր ու ապշեցուցիչ տեսք կտա Ձեզ: Այն ամառային մյուս գույների մեջ ամենավառն ու էֆեկտիվն է: Կարմիրը կարելի է համադրել սևի, մուգ կապույտի ու դարչնագույնի հետ:
Բաց մանուշակագույն
Այս գույնը կսազի ցանկացած մաշկի գույնի հետ: Իդելական են համարվում բաց մանուշակագույն շիֆոնե կտորից կարված հագուստները:
