«Վիցե միսս Եվրոպա 2005» Լուսինե Թովմասյանի սիրտն այլևս զբաղված է: Ավելին, գեղեցկուհին վերջերս նշանվել է: esyes.am-ին Լուսինեն առաջինը պատմեց սիրելիի հետ հանդիպման ու նշանադրության մանրամասների մասին:
Լուսինեի ընտրյալը 36-ամյա Արթուր Հովհաննիսյանն է, ում հետ նա ծանոթացել է Ծաղկաձորում' դահուկասահքի ժամանակ: «Ծաղկաձորում սարի վրա դահուկով սահելիս ենք հանդիպել: Ես էլ, ինքն էլ, սիրում ենք դահուկով սահել. իհարկե, ինքն ավելի լավ է սահում»,- ասաց Լուսինեն և ավելացրեց, որ ընտրյալն աշխատում է բարձր տեխնոլոգիաների ոլորտում և ավարտել է Վիրջինիայի համալսարանի համակարգչային գիտությունների ֆակուլտետը:
esyes.am-ի հետ զրույցում Լուսինեն նշեց, որ սիրելիից ամուսնության առաջարկություն ստացել է հենց առաջին հանդիպման ժամանակ, երբ հանդիպել են երևանյան ռեստորաններից մեկում: «Ասեմ, որ այդ մասին ոչինչ չգիտեի: Ամեն բան շատ յուրահատուկ և ռոմանտիկ էր կազմակերպված: Այդ օրն անհնարին է մոռանալ, որովհետև ինձ համար չսպասված էր, իսկ իր կողմից ամեն բան հաշվարկված ու պատրաստված էր՝ թե՛ երաժշտությունը, թե՛ վայրը»,- ավելացրեց Լուսինեն:
Առաջարկությունից հետո' ապրիլի 13-ին, երևանյան հայտնի ակումբներից մեկում զույգը ոչ ավանդական նշանադրություն է արել՝ մտերիմ մարդկանց նեղ շրջանակով:
Տեղեկացնքնք, որ Լուսինեն և ընտրյալն այժմ ԱՄՆ-ում են և վայելում են իրենց հանգիստը, իսկ հարսանիքը ծրագրում են ամռանը:
«Ես»-ը շնորհավորում է զույգին ու երջանկություն մաղթում:
