Այսօր հայազգի աշխարհահռչակ երգչուհի Շերը նշում է իր 70-ամյակը:
Երգչուհին շահել է մեկ Օսկար, մեկ Գրեմմի, մեկ Էմմի, երեք Ոսկե Գլոբուս և զանազան ուրիշ մրցանակների։ Շերը Ամերիկյան հիթ շքերթի պատմության մեջ սահմանել է նոր չափանիշ՝ դառնալով առաջին երգչուհին, ում երգերը վեց տասնամյակ շարունակ գլխավորել են ամերիկյան հիթ շքերթը:
Շերը Հայաստան էր ժամանել 1993 թվականի ապրիլի 28-ին։ Նա իր հետ բերեց 2,5 միլիոն դոլարի մարդասիրական օգնություն՝ դեղորայք, բժշկական սարքեր և սնունդ։ Այցելեց մանկատներ, մանկական հիվանդանոցներ։ Տեսնելով հիվանդ երեխաներին՝ Շերը ծանր տպավորությունների պատճառով հրաժարվեց նախագահի և Ամենայն հայոց կաթողիկոսի հետ հանդիպելուց։
