Երգչուհի Մարիաննա Հովհաննիսյանը, ով, կարելի է ասել, մեծացավ հենց հանդիսատեսի աչքի առաջ, վերջերս շատ չի երևում էկրաններին: Ինչո՞վ է նա այժմ զբաղված, ի՞նչ անակնակալներ ունի երկրպագուների համար. այս հարցերին Մարիաննա Հովհաննիսյանը պատասխանեց Life.panorama.am-ի հետ զրույցում` անդրադառնալով նաև իրեն ուղղված ռեպլիկներին, հայ երգարվեստի խոցելի կետերին, նոր բիզնեսին և այլ` երկրպագուներին հուզող հարցերի:
-Վերջին շրջանում տեսահոլովակ չեք թողարկում, ստեղծագործական դադա՞ր է, թե՞աշխատում եք:
-Հիմա ինձ մոտ համերգային շրջան է, աշխատում եմ բենդիս հետ և նոր դուետ եմ պատրաստում արտասահմանյան աստղերից մեկի հետ, թե ում` թող դեռևս գաղտնի մնա:
-Ձեր ամենաեկամտաբեր երգը կամ տեսահոլովակը ո՞րն է եղել. ինչո՞վ է դա պայմանավորված:
-Չեմ հաշվում երգերիս եկամուտները: Այն երգերը, որոնք հաջողվել են, դրական արդյունք տվել են մեծ թիմային աշխատանքի ջանքերի շնորհիվ:
-Առաջիկայում ձեր մենահամերգին սպասե՞նք:
-Այո, սպասեք:
-Ձեզ, երբեմն, կոչում են «հարուստի աղջիկ», որի համար ճանապարհներ են հարթվում. ձեր պատասխանը` նման ռեպլիկներին:
-Արհամարհում եմ նման ռեպլիկները: Միշտ ասել եմ ու կասեմ` թող բոլոր նման կարծիք ունեցող անձանց ճանապարհն այնքան «հարթ» լինի, որքան իմը. այդ ժամանակ կզգան, թե որքան «հարթ» է այն իրականում:
-Ի՞նչ եք կարծում, հայ երգարվեստում ձեր ձեռագիրն արդեն ունե՞ք:
-Եթե այսօր ինձ ճանաչում են որպես Մարիաննա Հովհաննիսյան, ուրեմն` ունեմ: Թե ինչքանով եմ յուրահատուկ, դա պետք է դատի հանդիսատեսը: Թե մատուցման, թե երգի ոճի առումով յուրաքանչյուրն ունի իրեն բնորոշ գիծ և ձեռագիր:
-Այսօրվա հայ երգարվեստի ամենախոցելի կետը ո՞րն է:
-Խոցելի կետերից է այն, որ այսօր համերգներ շատ քիչ են կազմակերպվում. դրանք, մեծ մասամբ, լինում են ակումբային ֆորմատով: Ինքս էլ աշխատում եմ նման ֆորմատով: Իհարկե, դա կապված է նաև հայ հասարակության սոցիալապես անապահով լինելու հետ:
Շարունակությունը` այստեղ:
