Ամենաօգտակար հատապտուղը, ըստ գիտնականների, սև ազնվամորին է

20:30 - 30.Մայիս.2013

Պարզվում է' սև ազնվամորին կարող է կանխել քաղցկեղի զարգացումը: Ինչպես հայտնել են ամերիկացի գիտնականները Օհայո համալսարանից, սև ազնվամորու պաշտպանիչ հատկություններն էապես գերազանցում են այլ հատապտուղների' ելակի կամ հապալասի օգտակար հատկություններին:

Ինչպես պարզել են գիտնականները, հակաքաղցկեղային ազդեցությունը պայմանավորված է սև ազնվամորու մեջ առկա հակաօքսիդանտ նյութերի ակտիվությամբ: Այդ նյութերը կանխում են ազատ ռադիկալներին վնասող հատկությունները: Վերջիններս այնպիսի միացություններ են, որոնք ձևավորվում են օրգանիզմում' առաջացնելով բջջի կառուցվածային վնասվածքներ: Պրոֆեսոր Հարի Սթոունը հայտարարել է, որ զարմացել է, երբ բացահայտել է սև ազնվամորու և այլ հատապտուղերի միջև նմանօրինակ տարբերություն հայտնաբերելիս:

Լոբորատոր մկների վրա կատարված հետազոտությունների ժամանակ մկներին աղիների ուռուցք հարուցող նյութ է ներարկվել: Կենդանիների մի մասը ստացել է սև ազնվամորու որոշակի չափաբաժին: Արդյունքում այդ խմբում գրանցվել է ուռուցքի առաջացման 80%-ով ավելի քիչ դեպք, քան մկների այն խմբում, որոնք սովորական կերակուր էին ստացել:

Գիտնականները նշել են, որ այդ չափաբաժինը մարդու համար հավասար է օրեկան 4 բաժակ հատապտուղ ուտելուն: Սթոուների խոսքերով' դա կարող է շատ լինել, սակայն պետք է հաշվի առնել, որ փորձերի ժամանակ օգտագործվել են քաղցկեղածին նյութերի մեծ չափաբաժիններ: Ամենայն հավանականությամբ, մարդու համար այս նյութի արդյունավետությունը տեսանելի կլինի նաև ավելի քիչ չափաբաժնի օգտագործման դեպքում:

Աղբյուր՝

http://doctors.am/am/announcments/%D4%B1%D5%B4%D5%A5%D5%B6%D5%A1%D6%85%D5%A3%D5%BF%D5%A1%D5%AF%D5%A1%D6%80-%D5%B0%D5%A1%D5%BF%D5%A1%D5%BA%D5%BF%D5%B8%D6%82%D5%B2%D5%A8-%D5%A8%D5%BD%D5%BF-%D5%A3%D5%AB%D5%BF%D5%B6%D5%A1%D5%AF%D5%A1%D5%B6%D5%B6%D5%A5%D6%80%D5%AB-%D5%BD%D6%87-%D5%A1%D5%A6%D5%B6%D5%BE%D5%A1%D5%B4%D5%B8%D6%80%D5%AB%D5%B6-%D5%A7/1000