Հեռուստաաստղ և գործարար Քիմ Քարդաշյանը Instagram-ում երկրպագուներին ցուցադրել է Հելոուինի իր կրեատիվ հանդերձանքը։

Լուսանկարների շարքում Քիմը հայտնվել է տիեզերական կովբոյի կերպարանքով, որը ստեղծել է Թիերի Մուգլերը։ Նա միաձուլել է Վայրի Արևմուտքի ոճը ֆուտուրիստական ուրվապատկերի հետ՝ կոստյումն անվանելով CowBot (կովբոյ ռոբոտ):

Մետաղական արհեստական կաշվից պատրաստված հավաքածուն բաղկացած է կիսանդրիից՝ դեկոլտեին բրենդի ստորագրությամբ Thierry Mugler աստղով, թևնոցներից, երկարաճիտ կոշիկներից, միկրոշորտերից և թափանցիկ եզրերով գլխարկից։

Կերպարը լրացրել է երկու ատրճանակի համար պատյանը։

Դիզայներն իր օգտահաշվում տեղադրել է նաև Քիմի կերպարը՝ նրան բնութագրելով որպես «տիեզերքի զվարճանքի լավագույն էներգիան»։

Քարդաշյանի լուսանկարները հավաքել են ավելի քան 4,1 միլիոն հավանում, ինչպես նաև հազարավոր դրական մեկնաբանություններ: