1. Նրան մի ձանձրացրու հեռախոսով՝ ասելով, որ չես կարողանում առանց նրա քնել, ուտել: Նա մեղավոր չէ, որ ծանրակշիռ հանգամանքները բաժանում են ձեզ:
2. Քեզ համար զբաղմունք գտիր. անվաչմուշկ, սերիալ, ընկերուհու հետ հանդիպում, գնումներ: Ի վերջո՝ դու ինքնաբավ մարդ ես՝ քո սեփական հետաքրքրություններով: Հիշիր դրանց մասին:
3. Հասկացիր, որ եթե նա այնքան հաճախ չի զանգահարում, որքան դու ես ուզում, հավանաբար իսկապես զբաղված է, պետք է կարգավորի գործերը, իսկ դրա համար որոշ ժամանակ է պետք: Համբերիր:
4. Եթե զգում ես, որ կես ժամվա ընթացքում տասներորդ հաղորդագրությունն ես ուղարկելու նրան, մի՛ ուղարկիր: Զգացմունքներդ թղթին կամ համակարգչին հանձնիր: Երբ նա վերադառնա եւ կարդա, վստահաբար նրան հաճելի կլինի: Բայց հիմա մարդուն մի շեղիր գործերից:
5. Հեռախոսով մի՛ ասա՝ «Որտեղ էիր», «Ինչ էիր անում», «Դու ինձ չես սիրում» եւ նման բաներ: Նրան ժամանակ տուր: Եթե նա իսկապես սիրում է քեզ, անպայման կխոսի քեզ հետ, երբ ավարտի բոլոր գործերը:
6. Նրա մոտ հետաքրքրություն առաջացրու, ոչ թե կպչուն հոգեկան հիվանդ դարձիր: Երբ նա զանգահարի, ասա, որ ինքդ էլ փոքր-ինչ զբաղված ես գործերով: Ինքնաբավ կինը միշտ ավելի հետաքրքիր է, քան ինքնամոռաց սիրահարված, հանուն սիրելիի ամեն ինչ զոհաբերող կինը:
Աղբյուրը՝ Ivona
