Մարիամ Շահինյանը տեւական ժամանակ հեռուստաեթերում եւ թատրոնում հանդես չի գալիս, իսկ պատճառը նրա նոր կարգավիճակն է: 2014-ի դեկտեմբերի 13-ին առաջին անգամ մայրացած դերասանուհին այժմ իր ժամանակի մեծ մասը տրամադրում է 3 ամսական դստերը` Արփիին:
27-ամյա Մարիամը BRAVO.am-ին պատմել է, որ առանց բարդությունների կարողանում է երեխային խնամել. “Բալիկս խելոք է, ինձ համար հավելյալ դժվարություններ չի ստեղծում: Ես ավելի դժվար էի պատկերացնում, բայց հեշտ եմ մեծացնում, իսկ խնամքի հարցում սկեսուրս շատ է օգնում, մանավանդ լողացնելու գործում: Արփին այնքան հանգիստ երեխա է, որ անքուն գիշերներ գրեթե չեմ ունենում. ինձ հետ քնում, ինձ հետ էլ արթնանում է:
