«Աստղային պատերազմներ» կինոհերոսապատման յոթերորդ մասը նկարահանում են Արաբական Միացյալ Ամիրայությունների (ԱՄԱ) մայրաքաղաք Աբու Դաբիում: Այդ մասին ապրիլի 23-ին հաղորդել Է ամիրայական Gulf News թերթը:
Ավելի վաղ զանգվածային լրատվամիջոցները հաղորդել են, որ նկարահանումները տեղի կունենան Աբու Դաբիի անապատներում:
Դա սագայի առաջին դրվագն Է, որը կստեղծի Walt Disney կորպորացիան: Ապրիլի 22-ին ընկերության ներկայացուցիչները հայտնել Էին, որ Աբու Դաբիում արդեն նկարահանվել են ֆիլմի երկրորդական տեսարանները:
Հիմնական տեսարաններին դեռ ձեռնամուխ չեն եղել, իսկ դերասանների կազմը կհրապարակվի ավելի ուշ: «Աստղային պատերազմների» նախորդ մասերում անապատային բնապատկերները նկարահանվել Էին Թունիսում:
Սագան 1970-ական թվականների սկզբին մտահղացվել Է ամերիկացի ռեժիսոր Ջորջ Լուկասի կողմից:
Նոր մասի ռեժիսորը Ջեյ Ջեյ Աբրամսն Է (Ջեֆրի Ջեյկոբ Աբրամս): Ինչպես ավելի վաղ հայտնել Է Disney Studios-ի նախագահ Ալան Հոռնը, ցուցադրությունը, որն առայժմ անվանում չունի, ծրագրված Է 2015 թվականի վերջին: Նա պատմել Է, որ նոր ֆիլմի իրադարձությունները կծավալվեն վեցերորդ սերիայից՝ «Ջեդայի վերադարձից» երեսուն տարի անց, որը նկարահանվել Է 1983 թվականին:
Հայտնի Է, որ սյուժեի կենտրոնում կլինեն յուրօրինակ եռապատման գործող անձինք՝ Լյուկ Սքայոուքերը, արքայադուստր Լեյան և Հան Սոլոն, որոնց դերերում կխաղան բավական ծերացած Մարկ Հեմիլը, Քերի Ֆիշերը եւ Հարիսոն Ֆորդը, հաղորդել Է ՌԻԱ Նովոստին:
