Ձեզ ենք ներկայացնում միկրոալիքային վառարանն օգտագործելու 10 լավագույն տարբերակ, որ օգտակար խորհուրդ կլինեն նաև տնային տնտեսուհիների համար:
Մանրացված համեմունքների բույրը թարմացնելու համար տաքացրեք դրանք ամենամեծ հզորությամբ 30 րոպե:
Եթե հնացած հացը թղթե անձեռոցիկի մեջ փաթաթեք և ամբողջ հզորությամբ տաքացնեք 1 րոպե, ապա այն կրկին կդառնա թարմ հացի նման:
Նուշը լավ կմաքրվի, եթե դնենք եռացող ջրի մեջ և ամբողջ հզորությամբ տաքացնենք 30 րոպե:
Հունական ընկույզի կեղևը հեշտ կմաքրվի, եթե տաքացնենք ջրի մեջ 4-5 րոպե ամբողջ հզորությամբ:
Նարինջը կամ թուրինջը հեշտ կմաքրվի սպիտակ միջուկից, եթե դրանք 30 րոպեի ընթացքում տաքացնեք ամբողջ հզորությամբ:
Միկրոալիքային վառարանում հեշտ և արագ կարելի է չորացնել նարնջի և թուրինջի կեղևները: Դրանք անհրաժեշտ է դնել թղթե անձեռոցիկների վրա և տաքացնել ամբողջ հզորությամբ 2 րոպե: Տաքացնելու ժամանակ կեղևը պետք է խառնել: Սառչելուց հետո այն դառնում է չոր և կոտրվող: Չորացված կեղևը պահպանեք ամուր փակված ամանում:
Միկրոալիքային վառարանը կօգնի կիտրոնի կամ նարնջի հյութը հանել մինչև վերջին կաթիլը, նույնիսկ եթե ցիտրուսային այդ մրգերի կեղևը շատ հաստ է: Մրգերը մի քանի րոպե տաքացրեք միկրոալիքային վառարանում, թողեք սառչի և դուք հեշտությամբ դրանցից հյութը կքամեք:
Միկրոալիքային վառարանում կարելի է ձմեռվա համար չորացնել կանաչեղեն, բանջարեղեն, ինչպես նաև պաքսիմատ և ընկուզեղեն:
Կարելի է հալեցնել շաքարակալած մեղրը 1-2 րոպեում:
Միկրոալիքային վառարանում դուք կարող եք նաև վերջ տալ կտրատման համար նախատեսված փայտե սալիկների հնացած հոտը` դրանք լվանալով, լիմոնով մաքրելով և վառարանում տաքացնելով:
