Cosmo.am-ը գրում է.
Հ. Ընկերս կոպիտ է վարվում ինձ հետ իր ընկերների ներկայությամբ: Եթե ես առիթ չեմ տալիս, ապա ինչո՞ւ...
Պ. Որովհետև նա թերհաս և հիմար անձնավորություն է: Նա պետք է գերուշադիր լինի քո հանդեպ իր ընկերների ներկայությամբ, առնվազն մինչև համոզվի, որ դու այլևս չես կաշկանդվում: Սակայն այնպիսի տպավորություն է, ասես նա ապացուցում է իր ընկերներին (կամ ինքն իրեն), որ թույլ չի տա քեզ փոխել իրեն: Նրա պատկերացմամբ՝ դա նշանակում է անտեսել քեզ, կոպիտ լինել, անգամ՝ նվաստացնել քեզ: Այնպես որ, հաջորդ անգամ, երբ երկուսով լինեք, խոսիր նրա հետ. «Ես ոչինչ չունեմ քո ընկերների դեմ, բայց դու ինձ հետ անպիտան իրի պես ես վարվում նրանց ներկայությամբ։ Ո՞րն է պատճառը»: Գուցե նա նույնիսկ չի նկատել իր սխալը, և այդ խոսակցությունն օգնի նրան սթափվել:
Հ. Ընկերս հրաշալի անձնավորություն է, սակայն զուրկ է ռոմանտիկայից: Մենք արդեն երկու տարի է՝ հանդիպում ենք, և այս ընթացքում նա նույնիսկ մեկ ծաղիկ չի նվիրել ինձ։ Ինչպե՞ս ասեմ, որ հարկավոր է փոքր-ինչ ռոմանտիկ լինել՝ առանց նրան վիրավորելու:
Պ. Նախ և առաջ մի՛ մտահոգվիր նրան վիրավորելու մասին. նա կարող է հանգիստ ընդունել քո դիտողությունը. փոխարենը՝ մտահոգվիր՝ ինչպես քո ասելիքը համոզիչ ձևակերպես: Քանի որ արդեն երկու տարի է, ինչ հանդիպում եք, սպասիր, մինչև մի գեղեցիկ օր երկուսդ էլ գինովցած լինեք և մտերմիկ զրույց սկսիր: Հարցրու՝ արդյոք կա որևէ բան, որի պակասը նա զգում է, որ նա կցանկանար փոխել (ընդունիր նրա պատասխաններն առանց հակաճառելու): Երբ խոստովանության քո ժամը գա, խոսիր ռոմանտիզմից: Այսկերպ դու չես հանդիմանի նրան, այլ կօգնես նրան հասկանալ, թե ինչպես է հարկավոր երջանկացնել քեզ, և նա կգնահատի քո այդ քայլը:
Շարունակությունը` այստեղ:
