Բոլորին էլ հայտնի է, որ ծխելը հղիության ընթացքում կարող է վնասել ապագա երեխային: Կանադայի Ուեսթերն համալսարանի նոր հետազոտությունը հուշում է, որ հղիության ժամանակ նիկոտինի այլ նյութով փոխարինումը (ծխելու վատ սովորությունը թողնելու համար) դեռևս մնում է մեծ սպառնալիք երեխայի ճարպակալման և նյութափոխանակության համար:
Դանիել Հարդիի գլխավորած ուսումնասիրող թիմը հրատարակել է հետազոտության արդյունքները Թոքսիոլոջի էնդ Էփլայդ Ֆարմաքոլոջի ամսագրում:
Ծխելը հղիության ընթացքում անմիջականորեն կապված է վիժման, վաղաժամ ծնվելու կամ պտղի հանկարծակի մահվան հետ:
Գիտնականները նշել են, որ իրենց ուսումնասիրության մեջ նրանք ցանկացել են պարզել՝ արդյո՞ք երեխայի հետագա կյանքի վրա բացասական ազդեցություն ունի և՛ նիկոտինը, և՛ նրա փոխարինողը:
NRT-ն նիկոտինի ներարկման պրոցեսն է մարդու օրգանիզմի մեջ, որի նպատակն է կասեցնել ծխախոտի օգտագործումը:
Ամերիկյան "Սննդի և դեղերի վարչությունը" հավաստագրել է NRT-ի հինգ տեսակ՝ արհեստական նիկոտին, ծամոն, ռնգային սփրեյ, ինհալյատորներ և սառնաշաքարներ:
Իրենց փորձը գիտնականներն անց են կացրել լաբորատորիայի հղի առնետների վրա:
Քաշի յուրաքանչյուր կիլոգրամի դիմաց առնետներին օրական տվել են նույքան գրամ նիկոտին: Դա նիկոտինի նույն քանակն է, ինչ միջին ծխողը ստանում է օրվա մեջ: Առնետի ձագերը հետազոտվել են 6 ամիս ծնվելուց հետո:
Հետազոտություն անցկացնողները նշում են, որ առնետների ստացած նիկոտինի քանակը էականապես քիչ է NRT-ում պարունակվող քանակից, որը 10 մգ է կամ 10 ծխախոտի գլանակ:
Նիկոտին "օգտագործած" առնետների ձագուկները ծնվել են համեմատաբար փոքր, քան սովորական առողջ առնետները:
Եվ որ ամենակարևորն է՝ երբ ձագուկները դարձել են 6 ամսական, նրանց մոտ դիտվել է լյարդի լայնացում և ճարպակալում:
Չնայած որ Դանիել Հարդին կարծում է, որ հղի կանանց համար NRT –ն թերևս ավելի լավ է, քան ծխելը, նա նշում է նաև, որ այս փոխարինող թերապիայի անվտանգության և արդյունավետության համար դեռևս հետագա հետազոտության կարիք կա:
