Շատերի համար նիհարելը երազանք է, իսկ սովամահ անող դիետաները՝ տանջալի ու ժամանակատար: Ներկայացնում ենք մթերքների ցանկ, որոնք թույլ կտան հագեցնել քաղցը՝ նվազագույնի հասցնելով գիրանալու ռիսկը:
Կանաչ ծաղկակաղամբ (broccoli). այն հարուստ է C և B վիտամիններով, ինչպես նաև պարունակում է վիտամին A և կալցիում, օգնում է ամրացնել իմունային համակարգը, կայունացնել արյան ճնշումը, կանխարգելել աթերոսկլերոզի զարգացման հավանականությունը և խուսափել վաղաժամ ծերացման վտանգից:
Վարունգ. այս բանջարեղենի 100 գրամը պարունակում է 11-14 կկալ: Այն պարունակում է կալիում, մագնեզիում, ածխաջրեր, որոնք հնարավորություն են տալիս խուսափել մարմնի տարբեր մասերում ճարպային կուտակումներից:
Թուրինջը, անանասն ու տանձը ևս նպաստում են բարեկազմ մնալուն: Այս մրգերը պարունակում են կալցիումի և կալիումի բաղադրանյութեր, որոնք օգնում են, որ օրգանիզմում ճարպի ավելորդ քանակություն չկուտակվի: Այս մրգերով նախաճաշը կատարյալ տարբերակ է:
Ձվի սպիտակուցը նպաստում է օրգանիզմում ճարպի այրմանը:
Սննդակարգում սահմանափակումներ մտցնելիս հիշեք, որ կաթնամթերքից հրաժարվել չի կարելի: Սակայն նախընտրելի են քիչ յուղայնություն ունեցող և կալորիականությամբ ցածր կաթնատեսակները: Օրինակ՝ յոգուրտը պարունակում է 30 կալորիա, մածունը ՝ 50-60 կկալ, կաթը՝ 76կկալ:
