Ռուս միլիարդատեր, բրիտանական «Չելսի» ֆուտբոլային ակումբի սեփականատեր Ռոման Աբրամովիչը կիսով չափ գնել է Նյու Յորքի հեղինակավոր 5-րդ պողոտայում գտնվող պատմական շենքը, ինչի համար արդեն վճարել է 75 մլն դոլար։
Ինչպես նշում է Daily Mail-ը, միլիարդատերը պետք է ևս 23 մլն դոլար վճարի, որպեսզի շենքի վերջին 2 բնակիչները հանձնեն բնակարաններն ու շինությունն ամբողջությամբ նրա սեփականությունը դառնա։
46-ամյա Աբրամովիչը Նյու Յորքի Կենտրոնական այգուն նայող շքեղ Berwind Mansion շինությունը կվերածի մեկ ընդհանուր հսկայական առանձնատան ու այնտեղ կբնակվի իր կնոջ՝ Դաշա Ժուկովայի ու 2 երեխաների հետ։
