Slaq.am-ը շարունակում է բլից հարցազրույցներ անցկացնել հանրահայտ դեմքերի հետ: Այս անգամ մեր զրուցակիցն է սիրված դերասանուհի Արմինե Պողոսյանը:

-Երկու բառով բնութագրեք Ձեզ:

Ես շատ լավատես և համբերատար մարդ եմ, նվիրված իմ մտերիմներին:

-Եթե ոչ դերասանուհի ապա ի՞նչ:

Դերասանուհու մասնագիտությունից այն կողմ չգիտեմ ինչ մասնագիտություն կարող էի ընտրել, որովհետև դա իմ երազած մասնագիտությունն է, չգիտեմ կարող էի ուրիշ մասնագիտությամբ զբաղվել:

-Ու՞մ հետ եք խոսում Ձեր պրոբլեմների մասին:

Իմ խնդիրների մասին կիսվում եմ ընտանիքիս հետ ու եթե կարողանում են' օգնում են, եթե ոչ' ինքս եմ լուծում:

-Խենթություններ կանե՞ք: (եթե այո ապա ում համար կամ ինչի):

Խենթություն կանեմ իմ սիրած մարդկանց համար, և հետո մարդ մի քիչ էլ խենթ պիտի լինի, խենթանա, դա էլ լիցքաթափվելու լավ միջոց է:

-30 տարի անց, ինչպիսին եք լինելու: Ձեր պատկերացումները:

Կյանքն այնքան անհասկանալի է, չեմ կարող ասել 30 տարի հետո ինչպիսին կլինեմ:

- Մենակ մնում ե՞ք դուք Ձեր հետ:

Այո, մնում եմ ինքս ինձ հետ, մտածում եմ իմ ապագա անելիքների մասին:

-Անպատասխան հարցեր ունե՞ք: Ում են ուղղված:

Դեռ չունեմ, միգուցե հետո ունենամ, չգիտեմ:

-Ինչի՞ համար կզղջայիք:

Ժամանակը ճիշտ չօգտագործելու համար:

-Ինչի՞ եք ընդունակ զայրացած ժամանակ:

Երևի միայն բղավել:

-Այն մարդը ումից վախենում և ամաչում եք:

Չեմ վախենում և ամաչում: Ես սիրում և հարգում եմ մարդկանց, մտերիմներին:

-Եթե ունենայիք հնարավորություն:

Եթե հնարավորություն ունենայի, ապա կօգնեի հիվանդ, անապահով ընտանիքներին, երեխաներին:

-Եթե նորից ծնվեիք ինչպե՞ս կապրեիք:

Երևի նույն կերպ, ինչպես, որ հիմա ապրում եմ:

- Ամա՞ռ, թե՞ ձմեռ:

Ամառ:

- Ֆիլմերի ո՞ր ժանրն եք նախընտրում:

Բոլոր ժանրերը նախընտրում եմ, սիրում եմ նայել, բացի սարսափ ֆիլմերից:

- Սիրելի ուտեստը...

Բոլորն էլ սիրում եմ, բայց ավելի շատ' պասուց տոլմա:

-Վաղը աշխարհի վերջն է, ի՞նչ կանեք:

Աշխարհը մի օր ստեղծվել է, մի օր էլ կվերանա, ոչինչ չենք կարող անել: