Իտալական Dolce & Gabbana նորաձեւության տունը ոգեշնչվել է Ռուսաստանով ու տղամարդկանց համար նախատեսված սահմանափակ հավաքածու թողարկել։ Պրինտերի հիմքում ռուսական քաղաքների գլխավոր տեսարժան վայրերն են։
Նորաձեւության տունը ներկայացրել է գերակշռող սեւ գույնով եւ ոսկեգույն նախշերով տաբատներ, շապիկներ, բլուզներ, պիջակներ, ջինսե բաճկոններ ու սպորտային կոստյումներ, գրում է Fashion Network-ը։
Հավաքածուն նախատեսված էր հատուկ ռուսական շուկայի համար եւ արդեն իսկ բուտիկներում է, հասանելի է նաեւ առցանց գնման հնարավորությունը։
