Ողբերգական նորություններ Լոս Անջելեսից: Մայիսի 15-ին իր առանձնատանը մահացել է հայտնի ամերիկացի դերասան եւ կատակերգու Ֆրեդ Ուիլարդը: Ինչպես պատմել է հումորիստի դուստրը, Ուիլարդի մահը կապված չէ աշխարհում մոլեգնող կորոնավիրուսի համաճարակի հետ եւ տեղի է ունեցել բնական պատճառներով: Նա 86 տարեկան էր։
Fred Willard could not have been funnier. He was pure joy. And the sweetest person you could ever meet. twitter.com/moviedeathblow…
«Հայրս շատ խաղաղ հեռացավ։ Նա շարունակում էր շարժվել, աշխատել եւ մեզ երջանկացնել մինչեւ վերջ։ Մենք նրան շատ էինք սիրում։ Մենք միշտ կկարոտենք նրան», - ասել է դերասանի դուստրը։
Ֆրեդ Ուիլարդը ծնվել է 1933 թվականի սեպտեմբերի 18-ին ԱՄՆ Օհայո նահանգում։ Արվեստի բնագավառում ստանալով բակալավրի աստիճան՝ տղամարդը սկսել է դերասանական կարիերան։ Ավելի քան 40 տարի է, ինչ նա փայլում է մեծ էկրաններին։ Ունի մեծ ճանաչում եւ վայելում էր մասնագիտական համայքի սերը։ Դերասանը 4 անգամ առաջադրվել է «Էմմի» մրցանակի, ինչպես նաեւ արժանացել է «American Comedy Award» եւ «BSFC Award» մրցանակների։
