Մարդկանց մեծամասնությունը չի պատկերացնում հարաբերություններն առանց սեքսի և, այնուամենայնիվ, կան զույգեր, որոնք սեքսով չեն զբաղվում,– գրում է HuffingtonPost Deutschland պարբերականը։
Իհարկե, երբեմն ինտիմ հարաբերությունները վատ չեն դասավորվում նաև սիրո բացակայության դեպքում։
Սակայն հնարավո՞ր է արդյոք, որ սիրող զույգերի միջև սեքսը բացակայի,– հարց է տալիս հրապարակման հեղինակ Ֆրանցիսկա Քիֆլը։
«Առանց սեքսի հարաբերությունները կարող են կենսունակ լինել, քանի դեռ դրանք բավարարում են երկու կողմերին էլ»,– գտնում է առողջ ապրելակերպի փորձագետ Սյուզաննե Վենդելը։
Վիեննայից հոգեբան և ընտանեկան թերապևտ Սաբինե Վայսը նույնպես համոզված է, որ «առանց սեքսի հարաբերությունները հնարավոր են»։
«Հարկ է դրանց երկու ձև տարբերակել,– ասում է նա պարբերականին տված հարցազրույցում։ Առաջինը դա այն հարաբերություններն են, որոնց դեպքում հենց սկզբից էլ սեքս չի եղել, այն պարզապես երկուսին էլ անհրաժեշտ չի եղել։ Սակայն այդ ձևը շատ հազվադեպ է հանդիպում»։
«Երկրորդը հարաբերությունների այն տեսակն է, երբ սեքսը ժամանակի հետ երկրորդ պլան է մղվում»,– շարունակում է Վայսը։ Դա վերաբերում է, օրինակ, տարեց մարդկանց։ Բացի այդ, սեռական կյանքը երբեմն պասիվանում է երեխաների ծնունդից հետո, կամ եթե զույգերից մեկն ու մեկը աշխատավայրում լարված է լինում։
«Եթե զույգը սեքսով չի զբաղվում, դա չի նշանակում, թե հարաբերություններում չկա ֆիզիկական մերձեցում»,– գրում է Վայսը։ Նման զույգերը կարող են փաթաթվել իրար և շոյել,– նկատում է փորձագետը։ «Քանի դեռ երկու կողմին էլ ամեն ինչ բավարարում է և նրանք իրար սիրում են, նման հարաբերությունները կարող են շատ կայուն լինել»–ամփոփում է լրագրողը։
