Ռուս հայտնի երգիչ Տիմատին անվճար համերգ կտա Երեւանում:
Այս մասին ֆեյսբուքի իր պաշտոնական էջում տեղեկացնում է Jet Set ընկերությունը, որը կազմակերպել էր Black Star թիմի՝ վերջերս տեղի ունեցած երեւանյան համերգը:
Նոր համերգի վայրի ու օրվա մասին, սակայն, տեղեկություններ դեռ չկան:
Հիշեցնենք, որ մայիսի 12-ին, Կարեն Դեմնիրճյանի անվան մարզահամերգային համալիրում պետք է տեղի ունենար երգիչ Տիմատիի համերգը:
Համերգը կայացել էր, սակայն՝ առանց Տիմատիի մասնակցության:
Համերգի ընթացքում հայտարարվել է, որ Տիմատիի ելույթը տեխնիկական պատճառներով չեղյալ է հայտարարվել, որից հետո դժգոհ երկրպագուները լքել են համերգասրահը և շշեր նետել բեմի ուղղությամբ:
