Մարտի 15-ին լույս աշխարհ եկավ Գրիգոր Դանիելյանի եւ Հռիփսիմե Ելինյանի երկրորդ երեխան: Ռոբերտոն մեկ ամսականում իր առաջին ֆոտոշարքն է անցել: Երջանիկ ծնողները տղայի առաջին լուսանկարները տրամադրել են BRAVO.am-ին, Հռիփսիմեն նաեւ հետաքրքիր մանրամասներ է պատմել փոքրիկի մասին:
«Քառասունք պահեցինք, քանի որ…»
Ռոբերտոյի համար քառասունք պահեցինք: Ալբերտոյի ժամանակ չէինք պահել եւ շատ էինք փոշմանել, քանի որ մշտապես հյուրեր էինք ունենում, ինչը դժվար է մայրիկի համար, ով դեռ ինքն էլ լավ չգիտի փոքրիկին: Այս անգամ կարողացանք վայելել մեր բալիկին: Քառասունքի օրը հայրիկիս ընտանիքի հետ եկեղեցի գնացինք ու կատարեցինք համապատասխան արարողակարգը: Իսկ օրեր անց կկնքենք մեր տղային եւ խնջույք կանենք:
Փոքրիկը որոշել է չքնել:)
Ֆոտոշարքը մեկ ամսականում ենք արել: Նորից պետք է համեմատություն անեմ. մեր մեծ որդին այնքան լացկան է եղել, որ նորմալ ոչ մի նկար չունի, իսկ այս ճուտիկը շատ խելոք է: Նկարահանման ընթացքը մի քիչ երկար տեւեց, քանի որ դժվար էր նրան քնած նկարելը. արդեն մեծ էր այսպիսի լուսանկարներ ստանալու համար:):
