Տարեվերջին հաշված օրեր են մնացել: Ամանորին ընդառաջ BRAVO.am-ը սկսել է տոնական ֆոտոշարքերն ու հարցազրույցները հայտնիների հետ: Այս անգամ մեր ֆոտոխցիկի օբյեկտիվում հայտնվել է «Երանի» սերիալում Մարտայի դերակատար Ադրիանա Գալստյանը: Նա ամփոփել է անցնող տարին, միաժամանակ խոսել նախատոնական տրամադրությունից, սպասելիքներից, գաղտնիք է բացել մանկության տարիներին Ձմեռ պապիկին գրած իր նամակներից, եւ ոչ միայն:
Ամանորի խորհուրդը
Առանձնահատուկ տոն է ինձ համար: Միակ օրն է, երբ ամենից շատ ես ցանկանում հավատալ հեքիաթների, որոնք զարմանալիորեն երբեմն իրականություն են դառնում:
Կարծում եմ` չկա մեկը, ով երազանք չի պահում Ամանորի գիշերը. տարբերակներն ու եղանակները շատ են: Այս անգամ կգրեմ երազանքներս 12 թերթիկի վրա եւ կդնեմ բարձիս տակ: Առավոտյան առանց նայելու կընտրեմ դրանցից մեկը, որն էլ նոր տարում կկատարվի:
Նկարահանումներին ու համալսարանի քննություններիս զուգահեռ ժամանակ եմ գտնում նախատոնական պատրաստությունների համար: Կարելի է ասել`արդեն պատրաստ եմ սպասված ու սիրված տոներին: Եղեւնին զարդարել եմ, մտերիմներիս համար էլ նվերներ եմ գնել: Ինքս էլ սիրում եմ անակնկալներ. սպասված նվերն ինձ համար չէ:
Ամանորն այս տարի կդիմավորեմ Հայաստանում` ընտանիքիս հետ: Միանշանակ, ցանկություն կա արտերկրում տոնելու. ապագայի պլաններ են, որոնք դեռ չեմ բացահայտի:
Նյութն ամբողջությամբ՝ սկզբնաղբյուր կայքում։
