![](http://mediamall.am/timthumb.php?src=upload/141073.png&w=300&h=200&mt=1505462993)
Այսօր Իտալիայի ամենագեղեցիկ դերասանուհիներից մեկի` Օռնելա Մուտիի ծննդյան օրն է: Նա դարձավ 61 տարեկան: Օռնելան 15 տարեկանից աշխատում է որպես կինոդերասանուհի. 1970թ. նկարահանվել է «Ամենագեղեցիկ կինը» ֆիլմում։ Հիմնականում աշխատել է իտալական կինոյում, սակայն 1980թ. առաջին անգամ նկարահանվել է անգլալեզու «Ֆլեշ Գորդոն» ֆիլմում՝ կատարելով Աուրա իշխանուհու դերը։
Նա հատկապես հայտնի դարձավ «Անսանձի սանձահարումը» (1980թ.) կատակերգության շնորհիվ, որտեղ իր զուգընկերն էր Ադրիանո Չելենտանոն: Նաև նկարահանվել է հեռուստաֆիլմերում և գովազդային հոլովակներում։
1994թ. «Class» պարբերականի քվեարկությամբ հռչակվել է «Աշխարհի ամենագեղեցիկ կինը»:
Հիշեցնենք, որ հմայիչ դերասանուհին 2015թվականին Երևանում եղել է «Ոսկե ծիրան» միջազգային կինոփառատոնի պատվավոր հյուրը:
Դերասանուհու ծննդյան կապակցությամբ ներկայացնում ենք նրա` երիտասարդ տարիներին արված ֆոտոշարք, որի հեղինակը Էլիո Սորչին է: