Շարունակելով ամփոփել անցնող՝ Ձիու տարին ESem.am-ը զրուցել է երիտասարդ և շատ խոստումնալից երգչուհի Անահիտ Շահբազյանի հետ:

Թե ինչպիսի՞ն էր տարին նրա համար՝ պարզիր բլից հարցումից:

- Տարվա ամենակարևոր պահը...

 - Տարին ամբողջությամբ էր կարևոր ինձ համար: Շատ լավ տարի էր :):

- Ի՞նչն էր Ձեզ առանձնապես ոգեշնչում այս տարի։ 

- Այս տարի ոգեշնչվել եմ շատ ջազային ստեղծագործություններով ու դրանց իմ մեկնաբանմամբ:

-  Տարվա ամենակարևոր նորությունը։ 

- Այս տարի շատ նոր ծնունդներ եղան իմ կյանքում, որոնց գալուստն այս աշխարհ ինձ շատ երջանկացրեց:

- Տարվա հիմնը:

- «Երջանիկ եմ» երգը:

- Իմ կյանքի ամենակարևոր մարդիկ։ 

- Ընտանիքիս անդամները, մորաքույրս ու ընկերներս:

- Ի՞նչն էր առավել բարդ Ձեզ համար։  

- Բոլորին ի սրտե ներելու ունակություն ձեռք բերելս:

- Ի՞նչ գույն ուներ անցնող տարին։  

- Ոսկեգույն:

- Այս տարվա ո՞ր իրադարձությունը կուզենայիր միշտ հիշել։  

- Իսպանիայում հանգիստս:

- Ո՞ր բառն ես առավել շատ օգտագործել այս տարի:

- Հնդիկ :)

- Այս տարի կատարած ամենաանմիտ գնումը։  

- Անմիտ գնումներ չեմ արել:

- Այս տարին հրաշալի էր, որովհետև...

- Շատ ինքնուրույն քայլեր եմ արել, որոնք համարում եմ իմ ձեռքբերումները:

- Ո՞ւմ ես գրկել գիշերները։  

- Իմ արջուկին:

- Ունեցե՞լ ես այնպիսի զրույց, որը գլխումդ ամեն ինչ տակնուվրա է արել։  

- Այսօր այնքան խնդիրներ կան, որ այդ պահին, որ խնդրին էլ բախվեմ, դրա լավագույն լուծումը կտամ:

- Ի՞նչ նոր գործ ես նախաձեռնել 2014թ-ին:

-  Երկու բենդ ունեմ, որոնցից մեկի հետ միայն ջազզ ոճի երգեր ենք երգում, մյուսի հետ՝  հիթային երգեր: Նրանք իմ հպարտությունն են:

- Ի՞նչի մասին ես երազում։  

- Հիմնել մեծ, բարեգործական դպրոց:

 - Ի՞նչն ես համարում տարվա ամենակարևոր ձեռքբերում։  

- Հոգևոր երաժշտության դասերի լրացումը:

- Անցնող տարին մինչև այսօր՝ մեկ բառով։  

-Շնորհակալ եմ:

- Բոլոր ծրագրած պլաններն իրականացրե՞լ ես։

- Բոլորը չէ: Ժամանակն իրոք չէր հերիքում ինձ:

- Քանի՞ նոր ընկեր ես ձեռք բերել այս տարի։

- Մի շարք նոր, լավ մարդկանց հետ եմ ծանոթացել: Քանակ ասել չեմ կարող:

- Ո՞ւմ ես օգնել այս տարի։

- Բարեգործական մի շարք միջոցառումների եմ մասնակցել: Բայց թե իմ խորհրդով ում եմ օգնել` դժվարանում եմ ասել:

- Ի՞նչ գործեր ես հետաձգել հաջորդ տարվա համար։

-Նոր երգերի ձայնագրումը: Նոր տեսահոլովակիս մոնտաժը:

- Ինչի՞ ես ուզում հասնել նոր տարում։ 

- Լավագույնին, առավելագույնին :)