«Голос країни-4» հեռուստաշոուի եզրափակիչ փուլից առաջ Սվյատոսլավ Վակարչուկը դարձավ անողոք, իսկ Սերգեյ Լազարևը «դաղեց» Անի Լորակին:
«Голос країни-4» վերջին փուլը տեղի կունենա հունիսի 8-ին: Ուղիղ եթերում հանդիսատեսը կընտրի հաղթողին՝ մասնակցին, ով կդառնա Ուկրաինայի նոր ձայնը, պայմանագիր կկնքի «1+1» հեռուստաալիքի հետ, ինչպես նաև կստանա շոուն խորհրդանշող յուրօրինակ արձանիկ:
Հաղթանակի համար պայքարում է 4 ֆինալիստ՝ Իգոր Գրոխոցկին, Միխայիլ Միրկան, Մառլեն Կարիմովը և Օլգա Մելնիկը: Իսկ Սերգեյ լազարևը ցանկանում է Անի Լորակին ստիպել, որ խանդի. բանն այն է, որ եզրափակիչում ժյուրիի անդամները զուգերգով են հանդես գալու իրենց թիմի սաների հետ, իսկ Սերգեյ Լազարևը իր սանի՝ Օլգա Մելնիկի հետ ցանկանում է կատարել շատ հայտնի մի երգ, որը նախկինում երգել է Անի Լորակի հետ: Լազարևը կարծում է, որ Անի Լորակն այդ պատճառով խանդով կլցվի նրա հանդեպ:
