ESem.am-ի հետ զրույցում Կարեն Մարգարյանն ասաց, որ տարիներ առաջ` 2009 թվականին, այդ երգով է արվել ԱՄՆ-ի «Նոկիա» թատրոնում կայացած «Armenian Music Awards» մրցանակաբաշխության բացումը, ինչից հետո երաժիշտը որոշել է տեսահոլովակ նկարահանել դրա հիման վրա:

Կարենի փոխանցմամբ` 2009-ի մրցանակաբաշխությունից շատ գեղեցիկ կադրեր ունեն նկարահանած, սակայն միայն դրանով չեն սահմանափակվել. նոր նկարահանումներ են արել Հայաստանի տեսարժան վայրերում: «Դրանց կգումարվի նաև իմ կատարումը ռոյալով, պարային որոշ տեսարաններ ու կարեր ձայնագրման ընթացքից»,-ասաց նա` նշելով, որ տեսահոլովակը, որի ռեժիսորը Միհրան Ստեփանյանն է, այժմ մոնտաժային փուլում է. այն հանդիսատեսի դատին կհանձնվի մոտ մեկ ամսվա ընթացքում:

Երաժշտի խոսքով` երգը որևէ առիթի նվիրված չէ, պարզապես գեղեցիկ կատարում է մեր հայրենիքին` Հայաստանին նվիրված: Նշենք, որ կատարման մեջ նվագակցում են նաև ավագ և կրտսեր Ջիվան Գասպարյանները: