Երբ սկսում ենք տարվել դիետաներով, ինչու չէ նաև առողջ սնվելով, մոռանում ենք այն մասին, որ անգամ մեծ քանակով վիտամինները կամ դիետիկ սննդատեսակները կարող են վտանգավոր լինել, գիրացնել: Այս անգամ Aroxj.am-ը ներկայացնում է առողջ սննդի 7 տեսակներ, որոնք չարաշահելու դեպքում սպասվածից ավելի շատ կգիրանաք:
Նախաճաշ
Շատերն են խանութներում հանդիպել «ֆիթնես շիլաներ Նեստլեից» այսպիսի գրվածքով կամ նմանատիպ փաթեթավորմամբ նախաճաշի համար նախատեսված շիլաներ: Մինչև գնելը ուշադիր կարդացեք բաղադրությունը ու կալորաների քանակը: Եթե նայեք սովորական նախաճաշի բաղադրությունը և համեմատեք այս շիլաների հետ, կտեսնեք, որ դրանց բաղադրության մեջ հիմնականում մտնում են շաքարը և ածխաջրերը, որոնք գիրացնող հատկություն ունեն:
Պերճածաղկի նեկտար
Հաճախ հանդիսանում է շաքարի և եգիպտացորենի օշարակի փոխարինող: Բայց իրականում սա պետք է հանել առողջ սննդի ցուցակից: Եթե շաքարը պարունակում է ավելի քան 50 % ֆրուկտոզ, ապա պերճածաղկի օշարակը հասնում է 70-90%-ի: Այսպիսի դեպքերում խնդիրներ կարող են առաջանալ նյութափոխանակության հետ կապված, ինչն էլ կբերի գիրացման:
Ցորենի թեփով հաց
Հաճախ խորհուրդ է տրվում սպիտակ թարմ հացի փոխարեն նախապատվությունը տալ ցորենի թեփով հացին: Այո, իսկապես օգտակար է, քան սպիտակ ալյուրով թխված հացը: Բայց այստեղ էլ կան բացառություններ: Չի կարելի միանշանակ ասել, որ դա իր մեջ քիչ կալորիաներ է պարւնակում: Եթե ուզում եք ավելի լավ տարբերակ, ապա փորձեք օգտագործել աշորայի ալյուրից պատրաստված հաց:
Բատոններ և շիլաներ
Եթե դուք նախաճաշի համար նախընտրում եք բատոններ կամ շիլաներ, ապա պետք է նշել, որ դրանք շատ առողջարար են, բայց պարունակում են մեծ քանակությամբ կալորիաներ:
Ինչ վերաբերվում է գործարանային արտադրության բատոններին, ապա կարղ ենք ասել, որ դրան այնքան էլ օգտակար չեն, այսինքն այնպիսին չեն, ինչպես գովազդվում են: Բոլոր դեպքերում պետք է ուշադիր հետևել բաղադրությանը, շիլաներն ու բատոնները պարունակում են մեծ քանակությամբ յուղեր և շաքար:
Դիետիկ յոգուրտ
Պետք է զգուշանալ, որովհետև հենց փաթեթավորման մեջ նշված «անյուղ», «դիետիկ» բառերն են իրենց մեջ, այսպես ասած, վտանգ պարունակում: Ցածր յուղայնությամբ կաթն ու կաթնամթերքը այնքան էլ քիմքին հաճելի համ չունեն, դրա համար էլ արտադրողներն օգտագործում են որքան հնարավոր է շատ կողմնակի հավելումներ, որոնք էլ հենց կարող են ավելորդ կիլոգրամներ հավաքելու պատճառ դառնալ:
Եթե յոգուրտ եք ուզում, լավ կլինի գնեք սովորականը կամ ինքներդ պատրաստեք: Հիշե՛ք «0% ճարպեր» գոյություն չունեն:
Ընկույզի և չրերի խառնուրդ
Ընկույզի և չրերի խառնուրդներն իհարկե օգտակար են որպես սննդատեսակ, բայց եթե դիետայի եք հետևում, ապա մի մոռացեք, որ սրանք իրենց մեջ պարունակում են շատ կալորիաներ: Եթե որոշում եք ուտել, ապա հաշվի առեք, որ 100 գրամ ընկույզը պարունակում է 609 կիլոկալորիա:
Մրգային հյութեր
Այն որ փաթեթավորում ունեցող հյութերն իրենց մեծ մեծ քանակությամբ շաքար են պարունակում երևի թե շատերն են տեղյակ: Դրա համար պետք է հիշել, որ այս սննդատեսակը նույնպես կալորիաներով հարուստ է: Բացի այդ պետք է հաշվի առնել, որ կան մրգերի տեսակներ, որ անգամ թարմ վիճակում են կալորիաներով հարուստ: Օրինակ, 100 գրամ բանանը պարունակում է 100 կիլոկալորիա, նույն քանակությամբ խաղողը 70 կիլոկալորիա և մեծ քանակի գլյուկոզա, որն ունի գիրացնող հատկություն: Ձմերուկի 100 գրամը պարունակում է 36 կիլոկալորիա, բայց փոխարենը շատ շաքար է պարունակում:
Այս սննդատեսակների օգտագործման չափաբաժնին հետևելը շատ կարևոր է, հակառակ դեպքում որքան էլ փորձեք դիետաների հետևել կամ մարզասրահ գնալ, չեք նիհարի:
