Բժշկական գիտությունների Համահնդկական ինստիտուտը ներկայացրել է նոր վերականգնողական տեխնիկա, որը թույլ է տալիս բուժել ատամներն առանց ցավի և մեծ ֆինանսական ծախսերի՝ ի տարբերություն ատամնային խողովակների սովորական բուժման:
Տեխնիկան հայնտի է որպես SealBio: Այն ենթադրում է հիվանդի ցողունային բջիջների և աճի գործոնների օգտագործումը, ինչը բացառում է խողովակը լցնող` ցեմենտող նյութերի օգտագործումը: Ի միջի այլոց, վերջիններս երբեմն առաջացնում են բիոանհամատեղելիություն, և մարդկանց մոտ զարգանում է կողմնակի ռեակցիա:
Այսպիսով, գիտնականները մտադիր են խթանել այն ցողունային բջիջները, որոնք գտնվում են հիվանդ ատամի արմատների հիմքում: Սա կնպաստի ռեգեներացիային և խողովակը նոր հյուսվածքներով կլցվի: Մի քանի շաբաթ կամ մի քանի ամիս անց խողովակում կաճի հյուսվածքի բավարար ծավալ: Այս պրոցեդուրան արդեն հաջողությամբ փորձարկվել է մի քանի տասնյակ հիվանդների մոտ: Եղանակի անվտանգությունը ապացուցվել է 4-5 տարի տևած հետազոտությունների ընթացքում:
