Tert.am-ը գրում է.
Բրիտանուհի Քլեր Սթոունմենը Միացյալ Թագավորության ամենամեծ շան՝ Ֆրեդիի տիրուհին է, որի հանդեպ սերը ստիպել է կնոջը հրաժարվել անձնական կյանքի երջանկությունից։
Ինչպես նշում է Daily Mail-ը, բանն այն է, որ հսկայական շունն իր ահարկու տեսքով վանում է Սթոունմենի բոլոր պոտենցիալ փեսացուներին։ Երբ շունը կանգնում է հետևի թաթերի վրա, ապա դրա մարմնի երկարությունը հասնում է 2 մետրի։
Բացի այդ Ֆրեդին ընդամենը 18 ամսական է, ինչը նշանակում է , որ նրա աճը շարունակվելու է՝ նվազեցնելով տիրուհու՝ իր համար ամուսին գտնելու հնարավորության հավանականությունը։
Սթոունմենի խոսքերով, տղամարդիկ սարսափում են՝ տեսնելով նրա սիրելի Ֆրեդիին, ուստի նա այժմ փնտրում է մի քաջ մարդու, ով կհամարձակվի նույն տանիքի տակ ապրել հսկայական շան հետ։
