Ladynews.am-ի «Քո հարցը» հարցազրույցների շարքի հյուրն է դերասանուհի, հեռուստահաղորդավարուհի Նազենի Հովհաննիսյանը:
Էվելինա- Բարև Ձեզ, սիրելի և գեղեցկուհի´ Նազենի, խնդրում եմ ասեք՝ որն է Ձեր գեղեցկության գաղտնիքը:
-Շնորհակալ եմ հաճոյախոսության համար, թեև ես ինձ գեղեցիկ չեմ համարում, սակայն Ձեր այդ տեսակետի համար շնորհակալ եմ:
Արփինե -Նազենի´, ի՞նչ ոճի հագուստներ են Ձեզ դուր գալիս:
-Առհասարակ ես սիրում եմ դասական ոճ, նախընտրութուն եմ տալիս նաև ազատ, հարմարավետ հագուստների:
Արփինե -Ի՞նչ է սերը Ձեզ համար:
-Գոյակերպ:
Արփինե -Ո՞վ է Ձեր կյանքի ամենաթանկ մարդը:
- Մայրս:
Զվարթ -Նազենի´, մի անգամ ասել եք, որ նախընտրում եք «ամբողջական նվիրում», ի՞նչ կասեք՝ արդյոք մարդկային հարաբերություններում «ամբողջական նվիրումն» այժմ գնահատվում է, ընդհանրապես արժի՞ ամբողջովին նվիրվել ինչ-որ մեկին:
- Եթե նվիրվում ես, ապա պետք է նվիրվես ամբողջությամբ, իսկ գնահատականը տրվում է ժամանակի ընթացքում, ավելի ճիշտ՝ ժամանակն է որոշում՝ գնահատվա՞ծ ես, թե՞ ոչ:
Շողիկ Գալստյան -Իսկ գնահաված չլինելու վա՞խը… Թե՞ նվիրվելիս այդ մասին մարդը չի էլ մտածում:
-Եթե նվիրվում ես, չես էլ մտածում՝գնահատված լինելու ես, թե ոչ. նվիրվում ես առաջին հերթին քեզ համար, ոչ թե դիմացինի: Դա նույնն է, թե մեկն ասի, որ ուտում ես՝արդյոք չես վախենո՞ւմ, որ հետո վատ կզգաս։ Ուտում ես, որովհետև այդ պահին զգում ես քաղց: Նվիրումը մարդկային քաղցի տարատեսակ է. դու նվիրվում ես, ուրեմն դիմացինի կարիքն ունես։ Ցանկալի է, իհարկե, արժանի մարդուն տարբերակել անարժանից, բայց կան բաներ, որոնք ժամանակի ընթացքում են պարզ դառնում:
Շողիկ Գալստյան -Սերը, երբ տվյալ անձը տալիս է դիմացինին. այստեղ կապ ունի՞ դիմացինը, նրա մարդկային տեսակը, թե՞ եթե մարդուն ի վերուստ տրված է սիրելու ունակություն, ապա սիրո օբյեկտն էական նշանակություն չի ունենում:
-Լավ բան եք ասում. իհարկե, երկուսից էլ կախված է, սակայն, եթե մարդու մեջ այդ սերն ի սկզբանե կա, ապա կապ չունի՝ դիմացինն ով է… Դու տալիս ես այդ սերը՝ առանց փոխադարձություն սպասելու, իսկ եթե դիմացինը ինչ-որ կերպ կարողանում է դիպչել քո սրտի լարերին, ակտիվացնել դրանք, այդ ժամանակ դու տրվում ես ամբողջությամբ: Եթե մարդու մեջ Սեր կա, նա չի կարող այն պահել իր մեջ՝ ասելով՝ սեր ունեմ, բայց ոչ մեկի չեմ տա. եթե սեր ունես, ապա հաստատ ինչ-որ պահի այն գտնում է իր համար օբյեկտ, ու կարևոր չէ, թե հետագայում ինչպես կընթանան հարաբերությունները։ Երբեք չեմ հասկանում ու միշտ բորբոքվում եմ, երբ մարդիկ ափսոսում են, որ նվիրվել են, սիրել են…Երբ նվիրում ես քո ժամանակը, քո կյանքի մի մասն ուրիշ մեկին, առաջին հերթին անում ես քեզ համար, բայց ափսոսալ' նշանակում է, որ քո կյանքը չես ապրում քո ցանկությամբ:
Շարունակությունը` այստեղ:
