Tert.am-ը գրում է.
Իտալիայում նոյեմբերի 17-ին նշում են սև կատուների պաշտպանության օրը՝ նվիրված ողջ աշխարհում սնահավատության առարկա դարձած կենդանու պաշտպանությանը, գրում է Bigpicture.ru-ն և ներկայացնում ամենատարածված սնահավատություններն ու դրանց ծագումը:
Չի կարելի ոչինչ նախաձեռնել ուրբաթ, ամսի 13-ին:
Ահավոր օրվա մասին ենթադրությունները գալիս են Հին Կտակարանի մեկնաբանություններից այն մասին, որ հենց այդ օրն է Կայենը սպանել իր եղբորը՝ Աբելին:
Շեմին կանգնել չի կարելի
Հինավուրց ժամանակներում նախնիների մոխիրը թաղում էին տան շեմքի տակ, ինչի համար էլ տան շեմից որևէ բան փոխանցել կամ կանգնել շեմին չէր կարելի, որպեսզի չանհանգստացնեն հանգուցյալներին: Մինչ այժմ էլ տան շեմը մարդիկ սահման են համարում կենդանիների և մեռյալների աշխարհների միջև:
Եթե սև կատուն ճանապարհդ կտրի, դժբախտություն կպատահի
Հաճախ քողարկվելով գիշերվա մթության մեջ՝ սև կատուները կտրում էին հեծյալի ճանապարհը, ինչից ձին խրտնում էր, և հեծյալն ընկնում էր ձիուց: Այս երևույթի համար էլ մինչ այժմ սև կատուներին մեղադրում են մոգական ուժերի հետ կապ ունենալու համար:
Ժամացույց նվիրել չի կարելի
Այս սովորությունը ողջ աշխարհում տարածվել է Չինաստանից, որտեղ ժամացույց նվեր ստանալը դիտվում է որպես թաղման հրավեր:
40-ամյակը տոնել չի կարելի
Այս սնահավատությունը, հավանաբար, կապված է այն բանի հետ, որ 40 թիվը ծիսական է և հանդիպում է բազմաթիվ մշակույթներում: Այն հաճախ է հանդիպում Աստվածաշնչում. Մովսեսը 40 օր հրեաներին ուղղորդել է անապատում, Համաշխարհային ջրհեղեղը տևել է 40 օր, Հիսուսը մկրտվելուց հետո 40 օր մնացել է անապատում: 40 թվի հետ կապված մի շարք ծիսակատարություններ են իրականացվում ծննդյան և մահվան ժամանակ: Օրինակ, մինչ երեխայի 40 օրական դառնալը, նրան մարդկանց ցույց տալ չի կարելի: Համարվում է, որ հանգուցյալի հոգին երկրին հրաժեշտ է տալիս հենց մահվան 40-րդ օրը:
Շարունակությունը՝ այստեղ:
