Արևելյան Ֆինլանդիայի համալսարանի աշխատակիցները բացահայտել են, որ օրական հինգանգամյա սննդի ընդունումը լավ է առողջության համար:

Ըստ գիտնականների՝ նախաճաշի, ճաշի և ընթրիքի համադրումը երկու ընդմիջումների հետ օգնում են նիհարել: Իսկ այս ընդմիջումներից որևէ մեկը՝ հատկապես նախաճաշը բաց թողելու դեպքում կարող եք հակառակ արդյունքը ստանալ, այսինքն՝ գիրանալ:

Հետազոտողները հետևել են չորս հազար երեխաների ֆիզիկական վիճակին նրանց ծնվելու պահից մինչև 16 տարեկանը: Ուսումնասիրությունը ցույց է տվել, որ օրվա ընթացքում հինգ անգամ սնվողները հավելյալ քաշ չունեն:

Անգամ ճարպակալում ունեցող ծնողների առկայությունը չի ազդում արդյունքների վրա: