Գիտնականների մի խումբ, որը գլխավորում է Galaxy Zoo ծրագիրը, կատալոգ է կազմել, որը ներառում է ավելի քան 300.000 գալակտիկա, գրում է ria.ru-ն:
Գիտնականներն աշխատանքի արդյունքները ներկայացրել են Monthly Notices of the Royal Astronomical Society ամսագրում հրապարակված հոդվածում: Այդ կատալոգում նրանց առաջին անգամ հաջողվել է նման քանակությամբ տեղեկություններ հավաքել գալակտիկաների մասին:
Ողջ աշխարհից մարդիկ արդեն սկսել են ուսումնասիրել այդ տվյալները, որպեսզի հստակեցնեն գալակտիկաների մասին իրենց պատկերացումները:
2009 թվականի փետրվարից մինչև 2010 թվականի ապրիլ 83 հազարից ավելի կամավորներ, որոնք մասնակցել են Galaxy Zoo 2 ծրագրին, դիտել են «Ապաչ-փոինթ» աստղադիտարանից հեռադիտակով ստացված լուսանկարները:
Ընդհանուր առմամբ, ծրագրի մասնակիցները դասակարգել են ավելի քան 300.000 առավել վառ և մեծ գալակտիկաներ:
