Խորհուրդներ մասնագետից. եղունգների խնամք

Եղունգները չկոտրատվելու համար առաջնահերթ է տնային աշխատանքներ կատարելիս հագուստ կամ ամաններ լվանալիս անհրաժեշտ է ձեռնոցներ կրել, որովհետե լվացող միջոցները իրենց բաղադրության մեջ պարունակում են ձեռքերը և եղունգները վնասող քիմիական նյութեր։
Տնային պայմաններում եղունգները կարելի է մշակել վաննաներով, քսուքներով։

Հինան ունի բուժող և վերականգնող հատկություն, և պատահական չի եղել հնում կանանց ձեռքերի, ոտքերի եղունգների հինա դնելը։ Հինան օգտակար միջոց է նաև ոտքերի հոտի և քրտնքի դեմ։
Ոտքերի եղունգները խնամելու համար պետք է հինայի լուծույթով վաննաներ ընդունել։ Այս պրոցեսը 3-4 անգամ կրկնելու դեպքում արդյունքն ակնհայտ կլինի։ Ձեռքերը հինայի լուծույթով խնամելու համար անհրաժեշտ է այն վրձնով քսել եղունգների մակերեսին և թողնել 20-30 րոպե։

Եղունգների խնամքի ավելի պարզ միջոց է պանրաջուրը (աղաջուր)։ Աղի մեջ պարունակվող կալցիումը շատ օգտակար է եղունգների սնուցման համար։
«Միրալյուքս» ֆիրմայի արտադրությամբ լաքի տեսքով եղունգների խնամքի միջոցները, որոնք պարունակում են Մեռյալ ծովի աղը տարբեր վիտամիններով հարուստ, նույնպես օգտակար են։

Եղունգների աճը խթանող և շերտավորումը կանգնեցնող օգտակար միջոց է գերչակի յուղը, որը ցանկալի է քսել քնից առաջ մաքուր եղունգներին։

Տարածված միջոց է մեջտեղից կիսած կիտրոնի մեջ եղունգների խրելը կամ կիտրոնի հյութը եղունգներին քսելը։ Եվ ընդհանրապես ցանկացած ցիտրուսային մրգի կեղևը կարելի է կտրատել, լցնել եռացրած ջրի մեջ և եղունգները 20– 30 րոպե թողնել այդ զանգվածի մեջ։

Մետաղյա խարտոցները նպաստում են եղունգների շերտավորմանը։ Եղունգների շերտավորմանը խթանում է նաև արյան վատ շրջանառությունը, հետևաբար՝ ձեռքերը պետք է մերսել եղունգների կողքերով բարձրանալով դեպի մատները, ապա մինչև ձեռքի հոդերը։

Եղունգներին ցանկացած լաք քսելուց առաջ անհրաժեշտ է դրանք անգույն լաքով պատել, այնուհետև քսել գունավոր լաքը, որից հետո պատել մեկ այլ լաքով ֆիքսատորով, որը եղունգներին տալիս է փայլ։
Եղունգների շուրջը գտնվող կաշին (կուտիկուլ) անհրաժեշտ է հեռացնել միայն շատ լինելու և եղունգի ազատ շնչելուն խանգարելու դեպքում։
Կուտիկուլը հեռացնելուց առաջ այն փափկացնելու նպատակով պետք է հատուկ գել կամ քսուք քսել, որից հետո հատուկ փայտիկի միջոցով (նարնջի կամ դեղձի փայտից), որը լինում է բարակ, երկար, տափակ ծայրով, կուտիկուլը զգուշորեն ետ հրել, որպեսզի եղունգը չվնասվի։ Այս պրոցեսը կոչվում է չոր մաքրում։
Խնամեք և պահպանեք ձեր եղունգները։

Իր մասնագիտական խորհուրդները տվեց եղունգների
լաքապատող Վարդուհի Պետրոսյանը