Սննունդը, որը պահում ենք սառնարանում, հանդիսանում է թունավոր մանրէների աղբյուր: Սխալ պահպանման դեպքում տեղի է ունենում տարբեր մթերքների խաչաձև աղտոտում: Այդ իսկ պատճառով, բոլոր մթերքները չեն, որ կարելի է իրար մոտ դնել:
Եթե պոմիդորն ու պանիրը դնել ձկան հետ նույն դարակում, ապա նրանք փոխանակվում են մանրէներով և ավելի արագ են փչանում: Ֆիզիկայի օրենքի համաձայն, սառնարանում ամենասառը դարակը դա ներքևինն է: Այնտեղ հարկավոր է պահել սառեցված միս, ձուկ և թռչնամիս: Այս մթերքների վրա առաջացող մանրէները ամենավտանգավորն են և շատ արագ են բազմանում: Միջին դարակներում անհրաժեշտ է պահել նրբերշիկ, պանիր, երշիկ, կաթ: Ամենավերևի դարակում անհրաժեշտ է պահել պատրաստի մթերքները, որոնք հարկավոր է պարզապես տաքացնել և ուտել: Հավի ձվերն անհրաժեշտ է լվանալ, չորացնել և դասավորել սառնարանի դռան վրա նախատեսված տեղում:
Մսից պատրաստած փաթեթավորված կիսաֆաբրիկատները պահվում են միջինը 24 ժամ: Առանձին մեծ կտորներով կիսաֆաբրիկատները օգտագործման համար պիտանի են 48 ժամվա ընթացքում: Եթե այն թռչնամսից պատրստված կիսաֆաբրիկատ է՝ նույնիսկ արտադրամասում պատրաստված, պահպանման ենթակա է մինչև 12 ժամ:
Բանանը, անանասը և սեխը սառնարան դնել չի կարելի: Բանանն ավելի լավ է կախել առաստաղից, չոր տեղում:
Սոխը և սխտորը: Մասնագետները ստիպված են խոստովանել, որ պահպանման ավելի լավ տարբերակ մտածված չէ, քան կապրոնե գուլպան և մութ անկյունը:
