Լոլիտա Միլյավսկայայի ամուսինը մի ամբողջ տարի սիրուհի է պահել երգչուհու փողերով, նրան թանկարժեք նվերներ արել։ Այս մասին KP.RU-ին պատմել են երգչուհու ընկերները։ Նրանց խոսքով՝ սքվոշի մարզիչ Դմիտրի Իվանովը մեկժամյա մարզման համար վերցնում է երկու հազար ռուբլի, բայց հաճախորդներ այնքան էլ շատ չունի։
40-ամյա Օլգա Կուլիեւան, ինչպես եւ Դմիտրին, ծնունդով Բելառուսից է, բայց ապրում եւ աշխատում է Մոսկվայում։ Օլգան մասնագիտությամբ դիմահարդար է, մայրաքաղաքում սեփական սրահ ունի։ Նա վատ չի վաստակում։ Կուլիեւայի ծանոթների խոսքով՝ Իվանովն այժմ ապրում է նրա մոտ սեփական միջոցներով բնակարան վարձել չկարողանալու պատճառով։
Դեռեւս մի քանի ամիս առաջ իրավիճակն ուղիղ հակառակն էր։ Նոր սիրեցյալի սիրտը նվաճելով՝ Դմիտրին նրան թանկարժեք նվերներ էր մատուցում եւ փորձում զարմացնել գեղեցիկ սիրահետումներով։ Այդ ամենը նա վճարում էր Միլյավսկայայի փողերով։ Իվանովը նաեւ հաճախ տանը չէր լինում՝ արտագնա մրցումների պատճառաբանությամբ։
Երիտասարդ ամուսնուց բաժանվելուց անմիջապես հետո Լոլիտան խոստովանել է, որ երբեմն խելամիտ չի վարվել։ Սկզբում գիշերները նա հաճախ ամուսնուն հաղորդագրություններ է ուղարկել՝ խնդրելով վերականգնել հարաբերությունները։
Այժմ երգչուհին բաժանմանն ավելի հանգիստ է վերաբերվում։ Աստղը հայտարարել է, որ մտադիր չէ ներել նախկին ամուսնու դավաճանությունը, բայց եւ վատ բան չի կամենում նրան։ Դմիտրիի նոր սիրելիին նա «հերթական զոհ» է անվանել։
