Ընդունված է կարծել, թե տարեց մարդիկ սեռահարաբերություն չեն ունենում կամ եթե ունենում են, այն կարող է վտանգավոր լինել նրանց առողջության համար։ Եւ չնայած բազմաթիվ 60-անց մարդիկ կան, ովքեր ապրում են ակտիվ սեռական կյանքով, սակայն պետք է հիշեն, որ պետք է զգուշավոր լինեն։
Ռուս սոցիոլոգ Դմիտրի Ռոգոզինը Ռուսաստանի տարեց բնակիչների շրջանում սոցհարցումներ է իրականացրել, որը ցույց է տվել, որ հարցված 70 տարեկանների 13 տոկոսն ունենում է սեռական հարաբերություններ։
Մասնագետները, սակայն, նշում են, որ եվրոպական երկրներում եւ ԱՄՆ-ում այդ թիվը զգալիորեն մեծ է։
Միչիգանի համալսարանի գիտնականները, այդուամենայնիվ, կոչ են արել տարեց տղամարդկանց զգույշ լինել խիստ ակտիվ սեռական հարաբերությունների պարագայում։ Նրանք Նշում են, որ եթե տարեց տղամարդը շաբաթը մեկ անգամից ավելի հաճախ է սեքսով զբաղվում, նրա մոտ կարող է հիպերտոնիա, ստենոկարդիա զարգանալ։ Իսկ դրանք կարող են ինսուլտի հանգեցնել։
Իսկ ահա տարեց կանանց պարագայում իրավիճակը լրիվ այլ է։ Սեռական կյանքը մեծ տարիքում կանանց օգնում է բարելավել արյան ճնշումը, իջեցնել սրտանոթային խնդիրների հավանականությունը։
bujinfo.am
