«Բացիր աչքերդ» սերիալը ճակատագրական է եղել Մարիամ Ալեքսանյանի եւ Գոռ Համբարձումյանի համար: Ծանոթանալով նկարահանման հրապարակում՝ նրանք մշտապես վիճել են, բայց ժամանակի ընթացքում այնքան են մտերմացել, որ չեն պատկերացրել իրենց կյանքն առանց այդ վեճերի:): Դերասաններն իրենց սիրո պատմության մանրամասները վստահել են BRAVO.am-ին՝ խոստովանելով նաեւ, թե ինչպես են գրավել միմյանց:
Առաջին հանդիպում
Մարիամ. Ծանոթացել ենք նկարահանման հրապարակում, թեեւ մինչ այդ գիտեի Գոռին եւ վախենում էի իրենից. միշտ հակակրանք եմ զգացել, բացասական էներգիա եմ ստացել: Առաջին օրվա մեր նկարահանումը լարված մթնոլորտում է անցել` իրար նյարդայնացնելով, վատ դրության մեջ դնելով: Մի խոսքով` երկուսս էլ շատ վատ տպավորություն էինք թողել միմյանց վրա:
«Անկեղծ ընկերություն էինք անում»
Մարիամ. Նկարահանումների ժամանակ չէինք խոսում, որովհետեւ վերջում միշտ կռիվ էր լինում: Մեր համատեղ տեսարանները ժամերով էին նկարահանում. չէր ստացվում խաղալը: Այնքան կռվեցինք, որ վերջում առանց այդ կռիվների չէինք կարողանում օրն ավարտել: Սկսեցինք մտերմանալ, շատ մտերիմ ընկերներ դարձանք, անկեղծ ընկերություն էինք անում: Խոսելու թեմա միշտ ունեինք: Իսկ նկարահանումներից հետո միշտ, որպես մտերիմ ընկեր, ինձ տուն էր տանում, բայց մինչ տուն հասնելը, ինչքան գեղեցիկ վայր կար, գնում էինք: Ես էլ հիացած էի, որ նման տղա ընկեր ունեմ: Իսկ երբ ընկերուհուս տանն էի մնում, ուշ ժամի գալիս էր ինձ տեսնելու, եւ ես դրան շատ նորմալ էի նայում, մտածում էի` մտերիմ ենք, ուրիշ ոչինչ չի կարող լինել:
Կես տարի միասին
Մարիամ. Մի անգամ խոսակցություն ունեցանք, ասացի, որ իմ կողքին դերասան տղամարդու չեմ պատկերացնում, Գոռն էլ ասաց` ինքն էլ չէր ցանկանա, որ սիրելին դերասանուհի լինի: Եվ այսպես, մենք միասին ենք արդեն կես տարի. կես երջանիկ եւ փորձություններով լի տարի: Արի ու տես, որ ամեն բան մեր ուզածով չի լինում: Ընկերության առաջարկ չի եղել, ամեն բան ինքնաբերաբար է ստացվել:
Գոռ. Հասկացա՝ սիրում եմ Մարիամին, բայց մասնագիտությունն ինձ խանգարում էր: Հետո հասկացա, որ նրան վստահում եմ, միշտ կսատարեմ, այնպես որ` Մամաշոկ, դուխով:
Նյութն ամբողջությամբ՝ սկզբնաղբյուր կայքում։
